Теміржолшы мамандығына сұраныс артпақ

Аймақтар
17.01.2025, 09:16
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Биылғы «Жұмысшы мамандықтар жылы» аясында жүзеге асырылатын жобалар еңбек адамының қоғамдағы орнын айқындауды көздейді. Бұл ретте елімізде ауқымды бастамалар іске асырылуда.

Техникалық және кәсіби білімге басымдық беріліп, сала мамандықтарына бөлінетін мемлекеттік тапсырыстар саны 10 мың орынға артқан. Оның 65 пайызы техникалық білімі бар кадрларды даярлауға бөлінбек. Статистикаға сүйенсек, 2030 жылға қарай елімізде 403 мың жұмысшы маман қажет болады екен. Оның ішінде теміржол саласында да сұраныс артпақ.  

Жұмысшы мамандықтары бойынша кәсіби білім беретін Тараз теміржол көлік және коммуникация колледжі биыл дуальды оқытудың Жол картасы аясында бизнес-қауымдастықтармен өзара іс-қимылды күшейту бағытында нақты іс-шаралар атқаруды жоспарлауда. Колледж директорының оқу-өндірістік ісі бойынша орынбасары Ж.Тайбековтің айтуынша, еңбек нарығындағы қажеттілікті өтеу үшін колледждерді жан басына шаққандағы қаржыландыруды 437 мың теңгеден 912 мың теңгеге дейін арттыру көзделуде. Сондай-ақ 2025-2027 жылдары 270 арнаулы кәсіптік білім беретін оқу орындарының материалдық-техникалық базасын жарақтандыру жоспарланған.

– Колледж түлектері Қазақстанның түкпір-түкпірінде еңбек етіп, ел экономикасының дамуына өз үлестерін қосып келеді. Осы ретте жұмысшы мамандарын даярлаудағы сапаны көтеруші факторлардың бірі – әлеуметтік серіктестік екенін баса айтқым келеді. Біздің серіктестеріміз білім беру үдерісінің барлық процесіне белсенді атсалысып отырады. Мысалы, былтыр жыл соңында біздің әлеуметтік серіктестеріміз Жамбыл облыстық білім басқармасы ұйымдастырған жұмысшы кәсіптерін өзектендіру, жұмыс берушілермен өзара ынтымақтастықты арттыруды көздеген «Кәсіптік білім. Еңбек. Табыс» атты форумға қатысты. Біздің колледждің 2004 жылғы түлегі «Қамқор Локомотив» ЖШС-нің Тараз локомотив жөндеу депосы филиалы директорының өндіріс ісі жөніндегі орынбасары Б.Қаниев «ТОП-10 Жас еңбек адамы» номинациясымен марапатталды. Сондай-ақ «Тау» тәжірибелі-механикалық зауыты» ЖШС-нің директоры А.Синяев «Токарлық іс» мамандығы бойынша колледжді бітіруші түлектерге жұмысқа орналастыру туралы сертификаттарын табыстады, – дейді колледж директорының орынбасары.  

Мемлекет басшысының тапсырмасына сай 2025 жылдан бастап, техникалық және кәсіби білім беру жүйесіне реформа жүргізілсе, жастардың жұмысшы мамандықтарға деген көзқарасын өзгертуге мүмкіндік туары анық. Сонда еңбек адамын дәріптеу арқылы қоғамда еңбекқор және нағыз маман болу идеясын насихаттауға жол ашылады.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті