Еңбек қорғаудағы елеулі іс

Аймақтар
31.01.2025, 08:56
Суреттерді түсірген автор
Қосұйым Мұқашев

Атырау облысы бойынша меншікті тілші

Атырау магистральдық желі бөлімшесінде жолдың техникалық жағдайы талап деңгейінде. Өткен жылы жолды күтіп баптау жоспары 63 балл болса, орындалуы 50 балды кұрап, алдыңғы жылмен салыстырғанда 9 балға жақсарған.

Мердігерлік әдіспен жолды күрделі жөндеу – 69,6 км, шаруашылық тәсілмен күшейтілген орташа жөндеу – 21,5 км орындалып, жаңа бұрмаларды төсеу – 43 жиынтық, көне жарамды бұрмаларды төсеу 23 жиынтықты құрады. Станциялық 10,7 км жанама жолдарының рельстері Р-50 типінен Р-65 типіне ауыстырылып, 16,7 км түйіспесіз рельс төселген.  

«Өңірдің табиғи ерекшеліктеріне сәйкес Атырау магистральдық желі бөлімшесінің жол учаскелерінде 231,05 км құрайтын құмды көшкінге бейім жерлер бар. Осы учаскелерді құмды көшкіннен қорғау үшін бөлімшеде екі қатар қар қалқаларын орнату, қамыс арқылы қорған орнату және шпалдарды иректеле орналастыру әдістері қолданылады. Осы шаралар нәтижесінде Нарын-РЗД14-РЗД15-Аққыстау станциялары аралығындағы құм көшкіні тоқтатылды. 2025 жылы осы әдіспен жұмыс РЗД8-РЗД7 өткелінде және Исатай станциясы мен РЗД10 аралығында жалғасу жоспарлануда», – дейді бөлімше директоры Аралбай Қосымбаев.  

Атырау магистральдық желі бөлімшесі бойынша өткен жылы пойыздар қозғалысының қауіпсіздігі бұзылған 6 жағдай орын алған, оның ішінде оқыс оқиға – 2 жағдай, оқиға – 4 жағдай. Тексере келе оның басты себептері аталды.  

Магистральдық желі бөлімшесі бастығының мәліметінше, қозғалыс қауіпсіздігі жағдайының нашарлауына, айталық, жол дистанциясының учаске басшылары, бригадирлер мен жол монтерлерінің өз қызметтік міндеттерін тиісті түрде орындамауы, бөлімше мен дистанция басшылары тарапынан тиесілі бақылаудың болмауы, қолда бар шағын механизациялау құралдарының 30%-ға тозығы жеткенін ескере отырып, шағын механизация құралдарымен, жол құрал-саймандарымен жеткілікті түрде жарақтандырылмауы, сондай-ақ СЦБ аспаптарының тозуы, т.т. себеп болған.  

Оған қарсы шара ретінде жолдар мен бұрмаларды, ағымдағы күтіп-ұстау бойынша тәжірибелік-техникалық сабақтарды жиі әрі сапалы өткізу, сонымен қатар жол шебері және жол бригадирінен бастап талапты күшейту жұмыстары жүргізілуде. Ал техникалық құралдардың жағдайын жақсарту үшін 1968 жылдан бері пайдаланып келген ПВ-60, ПВ-24 қуат панельдері ЩАВР, ЩП, ЩП-25Гц, ЩР, ЩР1 сынды түрлеріне жаңартылған. Мақат станциясындағы дөңеске пойыздар қозғалысын реттейтін МП-АСДЦ жүйесі енгізілсе, 1975 жылдан бері қолданыста тозығы жеткен ДГА-24 құрылғысы BL-30 типті ДГА-ға ауыстырылыпты. Енді тоқ көзінен тапшылық болмауы тиіс.  

Үйдегісінен түздегісі көп, жыл он екі ай сыртта жүріп, ауа-райымен санаспай еңбек ететін теміржолшылардың жағдайын жасау – ҚТЖ үшін басымдыққа ие бағыт.  

Өткен жылдары өңірлерге жылыну пункттерін қайта жасақтау үшін бес тонналық 95 контейнер жеткізіліп, Атырау жол дистанциясына 50 дана, Құлсары жол дистанциясына 45 дана контейнер бөлінген. Олар өңірдегі барлық станциялар мен разъездерге орналастырылып, жұмысшылар игілігіне берілді. Сонымен қатар Атырау жол дистанциясына модульдік үйлер де жеткізіліп, олар Нарын, Махамбет, Қарабатан, т.б. станцияларда және шағын бекеттерде орнатылды.  

Былтыр сондай-ақ 37 модульдік ғимарат алынып, жұмысшылардың санитарлық-тұрмыстық жағдайларының жақсаруы мен еңбек қорғау деңгейінің көтерілуіне үлкен ықпалын тигізді. Сонымен қатар 4 дана (DONGFENG) жол талғамайтын автокөлік пен 1 бульдозер алынып, техникалық қор айтарлықтай жаңарды.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті