Кез келгенге бұйыратын бақ емес

Аймақтар
12.03.2025, 15:42
Нұрлыбек Досыбай

Түркістан облысы бойынша меншікті тілші

Арыс жол дистанциясының диспетчері Роза Римқызы – халықаралық әйелдер күні мерекесіне орай күні кеше Мемлекет басшысының қабылдауында болған санаулы нәзік жандардың бірі.

Ақордада құрмет-қошеметке бөленген 60-қа жуық қыз-келіншектің қатарында арыстық теміржолшы әйел Президенттің қолынан «Құрмет» орденін алды. Қарапайым еңбек адамы үшін бұл шынымен үлкен құрмет еді.  

– Мемлекет басшысы биылғы жылды «Жұмысшы мамандықтар жылы» деп жариялағаны жай ғана науқаншылық емес. Бірде түстен кейін жұмыста отырғанымда НЖС-9 мекемесінің кадр жөніндегі бөлім басшысы Балжан хабарласып, кейбір мәселелерді нақтылай келе толыққанды құжаттарымды сұратты, Мемлекет басшысының марапатын алу үшін Ақордаға баратынымды айтты. Алғаш естігенімде сенер-сенбесімді білмей абдырап қалдым. Аздан соң дәлізге шықсам кеңседегі әріптестерім түгел естіп қойыпты, бәрі құттықтап жатыр. Жақсы жаңалық жерде жатсын ба, желдей есіп, әп-сәтте жарты әлемге жария болды.  

Көп ұзамай Розаны ұжым басшысы Ғалымжан Қазезұлы шақырып алып қуанышына ортақтасып, жолға қамдануға кірісуді ескертеді. Одан соң Арыс қаласының әкімі қабылдап, жай-күйімен жақынырақ танысып, сәттілік тілеп шығарып салады. Ал Астанаға келгенде «Қазақстан темір жолы» ҰК» АҚ басшылары мен қосшылары пойыздан түскеннен Арысқа қайтқанға дейін жағдайын жасап, құрмет-қошеметтерін көрсеткені өз алдына.    

– Межелі уақытта Ақорданың төрінен табылдық. «Қысқы бақ» деп аталатын кең әрі әсем залда президентіміз Қасым-Жомарт Тоқаев қолымызды алып, құттықтап, жылы лебізін білдірді. Қазақстан Республикасының мемлекеттік наградасы санатындағы «Құрмет» орденін жарқыратып кеудеме таққанда қатты толқып көзіме жас келгенін жасыра алмаймын. Біле білгенге бұл кез келгенге оңай жолмен бұйыра қалатын бақ емес. Ғұмырымның қырық жылын темір жол саласына арнаған қарапайым ғана жұмысшы санатындағы мына бізді президентіміздің өзі осылай қабылдап жатқаны зор мәртебе емей, немене?! – дейді арыстық теміржолшы Роза Римқызы.

Айта кетейік, Роза Гияги Қызылорда қаласының тумасы. 1980 жылдары өзі өскен өңірде жаңадан техникум ашылады да 4 жылдан соң Қызылорда теміржол техникумының алғашқы түлектерінің бірі болып бітіреді. Арыс станциясына жолдамамен жұмысқа келеді. Әр жылдары дөңес паркінің бригадирі, дистанцияның технигі, еңбек қауіпсіздігі инженері, техникалық бөлім басшысы сынды қилы-қилы қызметтердің тізгінін ұстап, шаруаның шашауын шығармай тасын өрге домалатады. Қазіргі кезде Арыс жол дистанциясында жол диспетчері міндетін мінсіз атқарып келеді.

– Алла амандық берсе, бір жылдан соң зейнетке шығамын. Бейнетіміздің зейнетін көрер шағымызға аз ғана уақыт қалды. Бір анық нәрсе, бүгінгі көрсетіліп жатқан сый-құрмет маған ғана тиесілі емес. Бұл біздің ұжымға, еліміздегі бүкіл теміржолшы қыз-келіншектерге және тұтас теміржол саласының еңбеккерлеріне көрсетілген құрмет деп бағалаймын, – дейді жүзі балбұл жайнаған Роза Римқызы.

 

Жаңалықтар
24.10.2025
ҚТЖ Республика күнін салтанатты түрде атап өтті
Инфрақұрылым
24.10.2025
Қызылжар жобасынан не күтеміз?
Инфрақұрылым
24.10.2025
Жол техникалары сапқа қойылды
Аймақтар
24.10.2025
Шаруашылықтар қысқа дайын ба?
Аймақтар
24.10.2025
Кемшіліктер қайталанбауы тиіс
ҚТЖ келбеті
24.10.2025
Жолаушының алғысына бөленген кассир
Аймақтар
24.10.2025
Вагон қараушыдан ұстазға айналған теміржолшы
Қауіпсіздік
24.10.2025
Өткел қауіпсіздігі – сенімді қолда
Әлеумет
24.10.2025
Үздік еңбек әулеті
Аймақтар
24.10.2025
«Таза Қазақстан» челленджі жалғасып жатыр
ҚТЖ келбеті
24.10.2025
Ақмаралдың алғашқы жеңісі
Аймақтар
24.10.2025
Вокзал маңы абаттандырылды
Жаңалықтар
24.10.2025
60-қа жуық студент ҚТЖ мұражайында болды
Жаңалықтар / Мұрағат
24.10.2025
Қазақстан теміржолшысы газеті, №88-89 24 қазан 2025 жыл
Жаңалықтар
23.10.2025
Көлік министрі Тбилисиде өткен V «Silk Road Forum» аясында сөз сөйледі
Инфрақұрылым
23.10.2025
Ақмая–Шиелі телімінде қызу жұмыс жүріп жатыр
Станция тынысы
23.10.2025
Рельс үстіндегі өмір: Манкент станциясының қаһармандары
ҚТЖ келбеті
23.10.2025
«Жыл машинисі» анықталды
Аймақтар
23.10.2025
«Таза Қазақстан»: Арыстық теміржолшылар 120 түп ағаш отырғызды
Қауіпсіздік
23.10.2025
Астана – Ерейментау учаскесінде машинист жол апатының алдын алды