«Кедентранссервис» АҚ Атырау аймақтық филиалы Наурыз мейрамын ерекше атап өтті

Аймақтар
21.03.2025, 08:53
Суретті түсірген автор
Қосұйым Мұқашев

Атырау облысы бойынша меншікті тілші

Биылғы наурыз айы бірнеше ұлық мерекемен тұспа-тұс келді: қасиетті рамазан айы, Көрісу күні, 22 наурыз мерекесі және алда ораза айт бар. «Кедентранссервис» АҚ Атырау аймақтық филиалы осынау атаулы күндерге орай ұлттық салт-дәстүрімізді дәріптеген ауқымды шара өткізді.

Тек өз ұжымы ғана емес, айналасындағы жиырмаға тарта серіктес мекемелерді де шақырып, мерекені бірге атап өтуді ұйғарыпты. Олардың ішінде Атырау станциясы, Әскерилендірілген теміржол күзеті, Вагон депосы, ЖолДорТранс-Ақтөбе, Экатон Батыс, «Вагонсервис» АҚ, Атырау мұнай геология мекемелері белсенді болды. Бағдарламаға сәйкес қонақтарға наурыз дәмін ұсынып, наурызнама концерттік бағдарламасын тамашалап, зейнеткерлердің бір-бірімен әңгіме-дүкен құра отырып шүйіркелесіп әңгімелесуіне жағдай жасалды.  

«Кедентранссервис» АҚ Атырау аймақтық филиалы директоры Жолмырза Рсалиев барша жұртты Ұлыстың ұлы күнімен құттықтап, береке-бірлік тіледі. Мекеме басшысы бірқатар зейнеткерге сауықтыру шипажайына сертификат табыс етті.  

Кезек әуелеген ән, мың бұралған би, күмбірлеген күйге беріліп, қонақтарға көтеріңкі көңіл-күй сыйлаған тамаша концерт болды. Түскі ас кезінде он екі қанат ақ үйде жайылған ұлттық тағам түрлеріне толы дастархан басында ақсақалдарға бас тартылды, басқаларға да сыбағалы, кәделі жіліктер таратылды. Ақжарма тілектер айтылып, бата берілді. Түстен кейін қонақтар мен шараға қатысушылар спорттың он түрінен өткен жарысты тамашалады. Атап айтқанда, қазақша күрес, қол күрес, арқан тарту, кір тасын көтеру, шахмат, бильярд, шағын футболдан жарыс, тас жинау, үздік ұлттық киім үлгісін көрсету, ең дәмді наурыз көже сайысы, «Қара жорға» биінен жарыс өтті. Жарыстың қай түрі де қызықты өтіп, талас-тартысқа толы болды. Нәтижесінде кір тасын көтеру, арқан тартыс, тас жинау, «Қара жорға» биі, ұлттық киім, ең дәмді наурыз көже сайыстарынан және шағын футболдан – барлығы 7 номинация бойынша бірінші орынды «Әскерилендірілген теміржол күзеті» мекемесі жеңіп алып, ең озық команда атанды. Қазақша күрестен бірінші орынды Атырау станциясы, қол күрестен ЖолДорТранс-Ақтөбе, ал шахмат пен бильярд ойындарынан «Кедентранссервис» АҚ Атырау филиалы командасы иеленді. Жеңімпаздар бағалы сыйлықтармен марапатталды.  

Таңнан басталған шара кешке дейін жалғасты, ал кеште ораза тұтқан жандарға дастархан жайылып, ауызашар берілді.  

«Бүгін көңіл шат, ниет ақ ерекше бір нағыз мерекелі, берекелі күн болды. Кешегі және бүгінгі буын наурызбен қабат келіп жатқан ұлық мерекелерді бірге атап өттік. «Сыйласаңыз кәріңді, жарылқаймын бәріңді» деген осындайда айтылса керек, арнайы шақырып ақ батамызды алған жас буынға алғыс айтамын. Наурыз құтты болсын, бірлігіміз нығая берсін», – деді бұрынғы бас механик, қазіргі зейнеткер Мұхтар Оразалиев.  

Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын
Инфрақұрылым
21.08.2025
Құлсары жолы жаңарып жатыр
Жаңалықтар
20.08.2025
ҚТЖ Қытай инвесторларымен Каспий логистикасын кеңейту мәселесін талқылады
Жүк тасымалы
20.08.2025
ҚТЖ мен ірі жүк жөнелтушілер жыл соңына дейін тасымалдау жоспарларын талқылады
Жүк тасымалы
20.08.2025
Орта дәліз: Чэнду қаласынан шыққан контейнерлер 15 күнде Карсқа жетті
Трансформация
20.08.2025
Елде теміржол техникасын өндіру көлемі еселеп артты
Цифрландыру
20.08.2025
Цифрлық технологиялар тасымал тиімділігін 45%-ға арттырады – Жаслан Мәдиев
Инфрақұрылым
19.08.2025
Үкіметте теміржол саласын жаңғырту мәселелері қаралды