Атырау вагонқұрылысы зауыты цистерна шығаруды бастайды

Аймақтар
08.04.2025, 08:40
Суретті түсірген автор
Қосұйым Мұқашев

Атырау облысы бойынша меншікті тілші

Өткен жылғы жазда өңірде ашылған өндіріс орны – жүк вагондарын шығаратын Texol Trans Атырау вагонқұрылысы зауыты жүк вагондарын және мұнай өнімдерін, сұйытылған газ бен өнеркәсіптік жүктерді тасымалдайтын цистерналар шығаруға мамандандырылған.

Зауыттың толық қуатына көшу кезеңі 2027 жыл деп жоспарланып, жылына 7-8 мың вагон шығару көзделген. Қазіргі уақытта зауыттың өндірістік аумағы 17 мың шаршы метрді құрайды, ал 2027 жылға қарай 62 шаршы метрге дейін кеңейеді деп жоспарлануда. Негізгі өндіріспен қатар мұнда вагонның әртүрлі компоненттерін жасайтын цехтар бар, алға қарай орта және ұсақ вагон құймаларға арналған құйма цехтары бар. Мұндай цехтың ашылуы импортқа тәуелділіктен де құтқарады.  

Зауытқа салынған инвестицияның жалпы көлемі 160 млрд теңге. Ал бастапқы кезеңдегі инвестиция көлемі 170 млн доллар көлемінде болып отыр. Бүгінгі таңда компанияда 25 тс. арбалы 13-6741 модельді біріктірілген жалғамалы платформаны өндіру қолға алынып отыр. Зауыт биылдан бастап сұйытылған көмірсутегі газдарын тасымалдайтын цистерналар шығаруды бастайды.  

«Соған орай жуырда облыстық әкімдік ғимаратында Texol Trans зауыты италиялық Faccin S.р.A компаниясымен мұнай өнімдерін және сұйытылған көмірсутекті тасымалдайтын цистерна мен вагон құрастыруға қажетті Baldrini жабдығын тасымалдау келісімшартына қол қойды» деп хабарлайды компанияның баспасөз қызметі. Шара барысында Faccin S.p.A. бағдарламаларын интеграциялау және әзірлеу жөніндегі бөлім басшысы Рино Болдриини мен Texol Group директорлар кеңесінің төрағасы Шота Абхазава ұзақ мерзімді серіктестікке қол қойды. Екіжақты серіктестік нәтижесінде Texol Group 2025 жылдың екінші жартысында барлық сертификаттау рәсімінен өткеннен кейін, инновациялық шешімдер қабылдап, жүк вагондары мен цистерналардың толық желісін шығара бастайды. Яғни жыл сайын 8 мыңға жуық вагон құрастыру жоспары бар. Аталған жабдықтың жеткізілуі зауыттың өндірістік желісін қалыптастырудың қорытынды кезеңі болмақ. Бұдан кейін цистерналар шығарыла бастайды», – дейді кәсіпорынның PR директоры Мәдина Қазбекова.  

Облыс әкімі Серік Шәпкенов қол қойылған келісімнің өңірдің инфрақұрылымын дамытуда, экономикалық байланыстарды нығайтуда және өңір үшін стратегиялық маңызы бар жобаларды жүзеге асыруда маңызды рөл атқаратынына сенімді.  

«Faccin S.p.A. – ауыр өнеркәсіпке арналған жабдықтарды жеткізу бойынша әлемдік көшбасшы. Ұзақ мерзімді келісімнің арқасында аймақ инновациялық технологиялар мен халықаралық тәжірибеге қол жеткізіп, жергілікті кәсіпорындар мен мамандардың дамуына септігін тигізеді. Әсіресе кадрларды даярлау бағдарламаларына ерекше назар аударылады. Бұл өз кезегінде өңір мамандарының біліктілігін арттырып, олардың инженерлік-технологиялық дағдыларын дамытуға ықпал етеді, – деді аймақ басшысы.  

Зауыттың кеңеюіне орай алға қарай кәсіпорында 3000-нан астам жұмыс орны ашылады. Олар негізінен слесарлар, дәнекерлеуші, бұрғышы, т.б. жұмысшы мамандар. Ал аймақ теміржолшыларының ойынша, өңірде жаңа мұнай-газ кен орындары, мұнай-химия саласында әртүрлі зауыттар ашылып жатқандықтан олардың жаңа вагондарға деген сұранысы артатыны ақиқат.  

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды