Арыс теміржол торабы жаңартылған соң вагон айналымы 20 пайызға артты

Аймақтар
30.05.2025, 08:51
Суретті түсірген автор
Нұрлыбек Досыбай

Түркістан облысы бойынша меншікті тілші

Арыс – бүгінде облыстық маңызы бар қала статусына ие. Қалада теміржол шаруашылығы саласына қатысты құрылымдық бөлімшелер мен көптеген өндірістік мекеме, кәсіпорындар шоғырланған. Бес мыңнан астам теміржолшы еңбек етеді.

Өткен жылы Арыс станциясындағы «Д» паркі қайта қалпына келтіріліп, іске қосылғаны мәлім. Нәтижесінде, станцияның өндірістік көрсеткіші мен вагон өңдеу көрсеткіштері күрт жоғарылаған. Аталған парктегі №24-27 нөмірлі жолдың тақ жүйесіндегі 4 жол мен «Е» сұрыптау паркіндегі №81-88 жолдың 8 жолы қалпына келтіріліп, осындағы жолдарға орташа жөндеу жұмыстары жүргізілген. Тіпті ағаш шпалдар темірбетонды шпалға, содан кейін Р-50 рельстері Р-65 рельстеріне ауыстырылған. Сол сияқты ауыр техникалар көмегімен сұрыптау паркіндегі 5,4 шақырым жолға темірбетонды шпалдар төселіп, №2 бағыттағыш бұрмаға дейінгі аралықтағы 850 метр жол жөнделіп, 14 жинақ бағыттағыш бұрма жаңартылған. Оған қоса 6 дана вагон жылдамдығын баяулатқыштар мен СБЗПУ желісі, бағдаршамдар мен ішінара кейбір бағыттағыш бұрмалардың бөлшектері де ауыстырылған. Осылайша, «Д» мен «Е» паркі толық жарықтандырылуы нәтижесінде жұмыс өнімділігі артып, өндірістік жарақат алу көрсеткіші де күрт төмендеген.  

Жалпы, Арыс-1 станциясының сұрыптау дөңесіндегі жұп жолды қайта қалпына келтірудің алғашқы кезеңі осылайша іске асырылған.

Нәтижесінде станцияның вагон айналым көрсеткіші едәуір жоғарылаған. Айталық, бұрын станцияның тәуліктік пойыз өңдеу әлеуеті 98 болса, қазіргі кезде 116 жұпқа, яғни 18 жұп пойызға артқан. Бұл көрсеткіштің 20 пайызға көтерілгенін айғақтайды.  

– Негізінен, Түркістанға шығар жол бойындағы іргелес станцияларда жүк пойыздарының кезектен тыс тұрып қалуы қысқарып, «А» паркіндегі тақ жолдардың бос еместігіне байланысты маршруттық бағдаршамдар алдында пойыздардың кідірісі де азайды, – дейді бүгінде станция бастығының орынбасары Эдуард Дербісов.  

«Бір нәрсе екінші нәрсеге себепші болады» демекші, жоғарыдағы «қысқару» мен «азаюдың» әсері орташа тәуліктік көрсеткіш бойынша 9 тонна дизельдік отынның қысқаруына септігін тигізген. Өйткені тәулігіне 5-6 пойыз қабылдайтын парктегі бағдаршам тұсында әрбір тепловоз 15-25 минут еріксіз аялдауға мәжбүр болады екен. Сала мамандарының айтуынша, станцияға жүк вагондары негізінен 3 бағыт бойынша – «Солтүстік», «Оңтүстік» және «Шығыстан» келеді. Ал сұрыптау паркіндегі бір ауысымдық жұмысқа 7 тепловоз бен 2 электровоз жұмылдырылады. Қазіргі кезде Түркісіб, Ақтоғай, Орск бағыты бойынша қосымша пойыздар қалыптастырылып, Алтынкөл бағыты бойынша фитингтік-бос вагондар бағыты жасақталуда.  

Осылайша, Түркістан облысы аумағындағы ең үлкен сұрыптау паркінің жылдың алғашқы тоқсанындағы вагон айналымының тәуліктік орташа көрсеткіші 7 243 вагонды құрап, жоспар 101,5 пайызға орындалған. Ал пойыз қабылдау 71 пойызға, ал жөнелту 73 пойызға тең түсіп, пайыздық көрсеткіштің орташа деңгейі 108%-ке жеткен.  

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды