Жамбылда теміржолшы арулар марапатталды
"Қазақстан теміржолшысы" газетінің Жамбыл облысындағы меншікті тілшісі
«Қазтеміржолкәсіп» ҚБ-нің Жамбыл филиалының төрағасы Ерболат Жидебаев бастаған ер азаматтар кәсіподақ ұйымының жұмысын жандардыруға өз үлестерін қосып, іс-шараларды ұйымдастыруда белсенділік танытып жүрген қыз-келіншектерді 8 наурыз – Халықаралық әйелдер күні мерекесімен құттықтады.
– «Қазтеміржолкәсіп» ҚБ Жамбыл филиалы жұмысының жемісті болуына қыз-келіншектердің қосып отырған үлесі көп. Олардың бірқатары ұйымда жауапты қызметтерді атқарса, Жамбыл жол бөлімшесінің құрылымдық бөлімшелеріндегі бастауыш кәсіподақ ұйымдарын басқарып келе жатқандар да бар. Сіздер, ұйымдағы ұйымшылдық пен ауызбіршіліктің ұйытқысы болып, ортақ міндеттерді бірлесе орындауда бастамашылдық танытып келесіздер, - деген Ерболат Жидебаев мереке иелеріне гүл шоқтарымен бірге сыйлықтар тапсырды.
Кәсіподақ ұйымының ер азаматтары мереке иелеріне ақ тілектерін арнап, жыр жолдарын оқып, сый-құрмет көрсетті.