Тараз теміржол колледжі студенттері өндірістік тәжірибеден өтті
"Қазақстан теміржолшысы" газетінің Жамбыл облысындағы меншікті тілшісі
Теориялық білімді практикада ұштастыру мақсатында Тараз теміржол көлік және коммуникация колледжінің студенттері «Қамқор Локомотив» ЖШС «Тараз локомотив жөндеу депосы» филиалында өндірістік тәжірибеден өтті.
Колледжде «Темір жолдың жылжымалы тартқыш құрамын пайдалану, жөндеу және техникалық қызмет көрсету» мамандығы бойынша білім алушыларға дуальды білім беру жүйесі бойынша өндіріс орнында тәлімгерлер бекітіліп, тәжірибе жүзіндегі дағдыларды үйретті.
– Осы мамандықты таңдаған студенттер ең алдымен пойыздарды құрастыру және қозғалысты ұйымдастыру жүйесін білуі керек. Ал жылжымалы құрамның тораптары мен агрегаттарын тексеру, майлау, реттеу жұмыстары қалай жүргізілетінін өндірісте көріп-үйрену аса маңызды. Дуальды білім беру жүйесінің негізгі мақсаты – теориялық білімді тәжірибеде ұштастыру. Тараз локомотив жөндеу депосында болашақ мамандарымыз практика барысында локомотивті жөндеу жөніндегі слесарі қызметтерін толыққанды игергенін көрсетті, – дейді Тараз теміржол көлік және коммуникация колледжі директорының өндірістік оқыту ісі жөніндегі орынбасары Жеңіс Тайбеков.
Өндірістегі практика студенттердің болашақ маман ретінде тәжірибе жинақтауына үлкен мүмкіндік береді.