Құрмет грамотасымен марапатталды
Шымкент қаласы бойынша меншікті тілшісі
Тәуелсіздік күніне арналған салтанатты жиынды ашқан Шымкент ЖТ бөлімшесінің директоры Е.Ерманов көпшілікті қасиетті мерекемен құттықтап, әрбір теміржолшының шаңырағына шаттық пен бақыт тіледі.
Мерейлі мереке құрметіне Жүк тасымалы мен Магистральдық желі бөлімшесінің елуге жуық теміржолшысының еңбегіне алғыс айтылып, құрмет грамотасымен марапатталды. ҚР Индустрия және инфрақұрылымдық даму министрлігінің алғыс хатына Шымкент бөлімшесі ЖТ филиалының жетекші инженері Бекзат Қаратаев ие болды. Ал «ҚТЖ» ҰК» АҚ Басқарма төрағасы С.Мыңбаевтың бұйрығымен «Адал еңбегі үшін» төсбелгісімен бөлімше филиалы директорының экономика және қаржы жөніндегі орынбасары Арман Сабденбеков, «Шымкент ЖТ бөлімшесі» техникалық бөлімінің жетекші инженері Людмила Квон, «Шымкент магистральдық желі бөлімшесі» филиалының бас инженері Мұхтарбай Битеміров, Арыс белгі беру және байланыс дистанциясының электрмеханигі Әуесхан Саимов, Кәсіподақ комитетінің Құрмет грамотасымен Шымкент станциясының жүктер мен багажды қабылдап тапсырушысы Алмира Оспанова, Шымкент станциясы тауарлық кеңсесінің бастығы Фарида Мамадалиева марапатталып, мерейлері үстем болды.