Кикілжіңдерді басқару тренингі
Қоғамдық ортада, өмірде, тұрмыста, ұжымда кикілжің туатын кездер болады. Сондай сәттерде әр адам, әр қызметкер немесе әр басшы өзін-өзі қалай ұстауы керек, одан шығу жолдары қандай? Форум аясында өткен осы тренинг те теміржол жастарының көңілінен шықты. Солардың бірі – Алматы ЖТ бөлімшесі қозғалыс қауіпсіздігі қызметінің вагон шаруашылығы жөніндегі ревизоры Диас Байқонысов.
– Әрбір сөздің мағынасын сақтай отырып басқа сөздерді қолдану. Сыпайылық белгісі қандай? Сол бағыттағы тренингке 20 адамдай қатыстық. Соны бес адамнан топтарға бөліп, жұмыс барысындағы болсын, өмірдегі болсын кикілжіңдерге қатысты кездескен оқиғаны әрбір команда көрініс етіп қою туралы тапсырма берілді. Біз сондай бір оқиғаны тауып, әрбір адамға рөл бөліп, көрініс етіп көрсетіп бердік. Әркім өзінің рөлін ойнап шықты. Сосын сол кикілжіңнің нәтижесінде тапқан ортақ шешімімізді түсіндіріп бердік, – дейді Диас.
Қойылым соңында жаттықтырушы әрбір топтың тапсырманы қалай орындағанын бағалап, кемшіліктерін, артықшылықтарын талдап көрсеткен. Шешімдердің маңызын түсіндіріп, өз ойларын айтып ұсыныстарын білдірді.