Келелі кеңес: төртеу түгел болса...
Абай облысы бойынша меншікті тілші
Апта сейсенбісінде Семей ЖТ бөлімшесінде «ҚТЖ-ҰК» АҚ қозғалыс қауіпсіздігі департаментінің атқарушы директоры Марат Шәкеновтің төрағалығымен алқалы жиын болып өтті. Басқосуға бөлімшеге қарасты барлық мекемелер басшылары, сондай-ақ, өндірістік салада еңбек ететін қатардағы теміржолшылар да мол жиналды.
Сала қызметкерлері алдында сөз алған Марат Арапбекұлы Семей теміржолы бойынша орын алып отырған бірқатар мәселелер жайын да сөз етті. Осыған дейін Аягөз станциясында болып, жергілікті теміржолшылармен жиын өткізген лауазымды тұлға осы сапары барысында Жарма, Жаңғызтөбе, Жаңа-Семей станцияларындағы жұмыстарды да қадағалауға алып, бірқатар мәселелерді түйіп қайтқанын жеткізді.
Соның ішін де бұл өңірлерде қардың қалың түсуіне орай теміржолшылардың қармен күрес шараларына да тоқталып өтті. Осыдан соң Марат Арапбекұлы ұлттық компания бойынша қолға алынып жатқан тың бағдарламалар, қызметтік сала бойынша соңғы көрсеткіштер, жаңашылдықтар жайында сөз қозғады, теміржол бойындағы шаруашылықтар бойынша жекелей тоқталып, талдау жасады. Келесі кезекте сөз алған Семей магистральдық желі бөлімшесінің басшысы Айдын Шәукежанов соңғы уақыттардағы орын алған жаңалықтар қатарына тоқталып, кең көлемде баяндама жасады.
Соның ішінде қысқы мезгілдегі теміржол нысандары мен құрылымдарының күтімі, қармен күрес және көктемгі су тасқынына даярлық шаралары жайын да тілге тиек етті.
– Қазіргі көрсеткіш бойынша көктемгі қызылсуға даярлық 85 пайызды құрайды. Наурыздың 15іне дейін әзірлік барысы тағы да жоғарылатылады. Қажетті материалдар келіп түсіп жатыр. Бөлімше аумағындағы суағарлар мен құбырлар, көпірлердің асты толықтай тазалануда. Қазіргі қолайлы ауа райында жұмыла