Жауапкершілік - баршаға бірдей
Шымкент қаласы бойынша меншікті тілшісі
Жуырда Қазығұрт станциясында теміржолшылар мен жергілікті тұрғындардың желілік полиция өкілдерімен кездесуі өтті. Тақырып сол баяғы жазыла-жазыла жауыр болған қауіпсіздік болды.
Себебі, станцияның қызмет көрсету аумағында теміржолда адамды немесе малды қағып кетпеу салдарынан шұғыл тежеу фактілері жиі орын алатыны белгілі болып отыр. Сондықтан, теміржол көлігі нысандарында тиісті қоғамдық тәртіпті сақтау, азаматтардың тыныштығына әсер ететін құқық бұзушылықтардың алдын алу сөз болған жиында жолға шығып кеткен мал мен жан ҚР Әкімшілік құқық бұзушылықтар туралы кодексінің баптары мен оларды бұзған жағдайда орын алатын жауапкершілік туралы түсіндірілді. Ал жауапкершілік теміржолшыға да, қарапайым тұрғындарға да бірдей екені айтылды.
Азаматтарға ұсақ бұзақылық, қоғамдық орындарға масаң күйінде келу, белгіленбеген орындарда темекі шегу сынды құқық бұзушылықтар үшін азаматтар қандай жазаға тартылады, егжей-тегжейлі түсіндірілді.
Станция жұмысшылары өз кезегінде теміржол маңайына жақын тұратын тұрғындарға қаншама рет ескерту жасаса да адам басу, мал қағу фактілерінің тыйылмай отырғандығын тілге тиек етті. Осыған орай, Шымкент станциясы ЖПБ қызметкерлерімен бірлесіп жұмыс жасауға шақырды. Жиын барысында қызметке жаңа тағайындалған Қазығұрт станциясы ЖПб-нің бастығы, полиция капитаны Д.Егембердиев таныстырылып, жаңа басшы болашақта бірге жұмыс жасауға дайын екенін білдірді.