Жасанды құрылыстар жағдайы

Шымкент жол дистанциясында 423 жасанды құрылыс бар. Олар – түрлі деңгейдегі көпірлер мен құбырлар, арықтар мен сужетектер, т.б. Олардың күтіміне жолшылар жауапты. 

Дистанцияға қарасты жолдың жағдайы 2020 жылдың алғашқы жартыжылдығында жоспар бойынша 97 балл болса, ол 113 балға орындалып, 84% құраған. 18 теміржол өткелінің тек жетеуі қорғалады, қалған 11 көпір қорғалмайды. 3255 км, 3294 км, 3301 км, 3346 км өткелдері АПС-4 құралымен жабдықталған. 

Алдағы уақытта 3255, 3265, 3294, 3301 шақырымдарына УЗП орнату, 3294, 3255, 3301 шақырымындағы резина плиталардың төсеніштерін ауыстыру, сондай-ақ барлық өткелдерге жол ережесі белгілерін бұзушыларға арналған бейнебақылау орнату, Арыс-Шымкент учаскесі арасындағы 3227, 3259, 3265 шақырымдағы алты өткелге жаңа стандартты өздігімен жабылатын автоматты шлагбаум орнату қажет болып отыр. 

Сонымен қатар, Қазығұрт-Ленгір учаскесіндегі өткелге сигналды бағдаршам орнату, сонымен бірге күніне 10 мыңнан аса автотранспорт өтетін, 500-ден аса автобус жүретін өткелдерге автожол орнату керектігі атап өтілді. 

Жыл басынан бері дистанцияда АЛСН бойынша 170 істен шығу дерегі тіркелді. Станция өткелдерінде 83 – жалғағыштың жоқтығы, 14 – рельстердің магниттілігі, 16 – бұрма бағыттамасы мен темірбетон шпалдарды оқшаулаудың жөндеуге келмеуі анықталған. Түйіспесіз жолы бар учаскелердегі түйіспе саңылаулары өлшеніп, теңестіру аралықтары тексерілген.