Маңғыстауда «Абайлаңыз, пойыз!» атты жедел қауіпсіздік акциясы өтті
Маңғыстау облысы бойынша меншікті тілші
Маңғыстауда қыркүйек айының 22-25 күндері аралығында «Абайлаңыз, пойыз!» атты жедел профилактикалық қауіпсіздік акциясы өтті. Ісшара аясында ұйымдастырушылар балаларға, кәмелетке толмаған жастар мен ата-аналарға, мектеп мұғалімдеріне түсінік жүргізді.
Аталған алдын алу жұмыстарын Маңғыстау станциясындағы желілік полиция бөлімшесі өткізді.
Олар кәмелетке толмағандарға алкогольдік ішімдіктер мен темекі өнімдерін сату, олардың түнгі уақытта қыдыруына жол бермеуге қатысты Маңғыстау станциясына жақын орналасқан білім ошақтарында кездесулер өткізді. Сонымен қатар теміржолдың қауіпті аймақ екені және одан өту ережелерін түсіндірді. Жасөспірімдерді құқық бұзушылық пен қылмыс жасауға тартатын ересек адамдарды анықтау мақсатында да тиісті шаралар жүргізді.
− Мектептердегі «Абайлаңыз, пойыз!» шарасы кезінде темір жол арқылы белгіленген жерлерден өту керектігі айтылып, кез келген жерден кесіп өтудің салдары түсіндірілді. Мұндай жағдай кездессе, қандай жауапкершілікке тартылатындығы да ескертілді. Сондай-ақ, кәмелетке толмағандарды құқықбұзушылық жасауға тартқан адамдарды анықтау, балаларының жүрістұрысына салғырт қарап, кәмелетке толмаған балаларын тәрбиелеу бойынша міндеттерін орындамайтын ата-аналарды құқықтарынан айыру және шектеу шаралары туралы ескертілді. Мұндай үлгідегі жұмыстарымыз станцияға жақын мектептерде пандемияға қатысты сақтық шараларын сақтай отырып шағын дөңгелек үстел, дәрістер, оқушылармен пікір алмасу түрінде әлі де жалғасуда.
Барған жерлерімізде бөлімшемізде Маңғыстау облысы бойынша және Бейнеу станциясындағы ЖПб кезекші бөлімінде теріс криминогендік ықпалы бар адамдарды, құқыққа қарсы бағыттағы кәмелетке толмағандардың топтарын анықтауға және басқа да қылмыстық ісәрекеттер бойынша арыз-шағым қабылдауға штабтар құрылып, қызметкерлер бекітілгенін хабарлаудамыз, – дейді Маңғыстау станциясы Желілік полиция бөлімінің инспекторы Дәурен Жақсылықов