Түркістан станциясында жылжымалы құрам жеткілікті

Түркістан станциясында жыл басынан бері 8 ай ішінде 961 вагонға жүк тиелген. Оның ішінде 238 вагон – «Қазтеміртранс» АҚ меншігіндегі жылжымалы құрамдар. 137 жабық вагон, 23 платформа, 123 жартылай вагон жалпы жүк тасымалының 16 пайызын құрайды. 

Жабық вагондарды негізінен жеке кәсіпкерлер астық және ауылшаруашылық өнімдеріне пайдаланған. Мысалы, 4 вагонмен «Кәусар Нұр» ЖШС Ауғанстанға ұн артқан. Тағы 4 вагонмен Барака ЖК, 5 вагонмен Диметов ЖК кебек жөнелткен. КХ ЕР-Аман 5 вагонмен қарбыз, 20 вагонмен ұн, 14 вагонмен қарбыз артса, жеке тұлға Тұраханов 1 вагонмен пияз жіберген. 

Ал жартылай вагондар тас, көмір тасымалына қызмет көрсеткен. 10 жартылай вагонға «Самғау Жасқанат» ЖШС көмір тиеп жіберсе, 28 вагонмен «НұрСтройЛТД» ЖШС түрлі жүктер, «Алекс Минерал» ЖШС саз бентониттер артқан. 22 жартылай вагонмен бетон плиткалар Ақтөбеге жіберілген. Бұдан бөлек, Арыс станциясына 2 вагон құм, 15 вагон көмір тиеліпті. 

Станцияның жекеменшік әрі жалға алынатын паркінде 678 вагон бар. Оның 120-сы жабық вагон, 220 платформа, 312 жартылай вагон, 2 цистерна, тағы түрлі 27 вагон бар. Төрт жабық вагонмен Құдайбергенов ЖК Ақтауға орындықтар артса, «Жігерлі» ЖШС 3 жабық вагонмен Ригаға шитті мақта жөнелткен. 18 жабық вагонмен «Road Text LTD» ЖШС да Ригаға шит мақта тиеп жіберген. Тағы 6 жабық вагонмен Кентау трансформатор зауыты электр жабдықтарын артқан. Бұдан бөлек, 1 жабық вагонмен жеке кәсіпкер Күнпейсов Атырауға пішен жөнелтсе, басқа да жеке кәсіпкерлер жиһаз, әктас, күріш, пияз, қарбыз, минералды сусын, ағаш жоңқаларын артқан. 

Әсіресе жаз айларында көптеген жекеменшік серіктестіктер Илецк, Иркутск, Қостанай, Маңғыстау сияқты аймақтарға қарбыз жөнелткен. 

Отыз платформамен «Кентау трансформатор зауыты» АҚ құрал-жабдықтар артса, 161 платформаға «НұрСтройЛТД» ЖШС темірбетон бұйымдарын артқан. 

34 жартылай вагонмен «ТамырБиоТех» ЖШС қара лом металдарын, 171 жартылай вагонмен «Строй сервис» ЖШС барит жүктерін жөнелткен. Ал 2 цистернаны «Тэк Казахстан» ЖШС дизель жанар-жағармай тасымалдауға пайдаланған. Жылжымалы құрамның қай түрі болсын жетіспеушілік болмаған.