Қолданыстағы парк жағаруда

Шымкент жүк тасымалы бөлімшесінде локомотив шаруашылығы отандық өндірістен шыққан жаңа машиналармен жаңарып жатыр. Жалпы бөлімше бойынша жолаушылар, жүк, шаруашылық және маневр қозғалысында 124 локомотив болса, оның 57-сі – тепловоз, 67-сі – электровоз. 

Соңғы уақытта электровоз паркі белсенді түрде жаңару үстінде, яғни ВЛ80С локомотив сериясы жаңаруда. Бұл локомотивтер отандық өнім, яғни француз компаниясының лицензиясы бойынша жүк қозғалысындағы KZ8 және KZ4 жолаушылар қозғалысындағы сериясын шығаруда. Ал тепловоз паркіндегі барлық локомотивтер америкалық ТЭ33А сериялы тепловоздарымен жаңартылған. Бұл отандық өнімдер елорда іргесіндегі Индустриялық парктегі зауыттарда жасалып шыққан, теміржол машинажасау саласының жетістіктері болып табылады. Жаңа локомотивтерге «Энергодиспетчерлік тартым» автоматтандырылған басқару жүйесі орнатылған. Бұл жүйенің басты міндеті – дизель жанар-жағармайы мен электроэнергиясын пайдалануды үнемдеу. Сондай-ақ тасымалдау процесінің тиімділігін арттырып, адами факторларды азайтады, мәліметтердің жылдам әрі нақтылығын қамтамасыз етеді. Бұдан басқа, қағазсыз технология арқылы қанша жанар-жағармай мен энергетикалық ресурс шығын болғанын дәлме-дәл есептеуге мүмкіндік береді. 

– Аталған қағазсыз технологияны енгізуде машинистің маршрут жылдамдығы жоғарылайды. Машинистер бұрын локомотивтегі әрбір жұмысын рәсімдеу барысында қағазды қолданатын. Ал қазір қағазсыз технология есеп беруді ашық етіп қойды және локомотив паркін пайдаланудың жылдам есебі қалыптасты. Бұл дегенің басқару шешімін жылдам қабылдау үшін оңтайлы жасалған. Әсіресе маршруттың жылдамдығы мен жүк тасымалын жеткізудің жылдамдығын арттыруға бағытталған, қысқасы, қағазсыз технологияның кереметі деген осы, – дейді Шымкент жүк тасымалы бөлімшесіндегі жылжымалы құрам бөлімінің бастығы Ерғазы Кенжебеков. 

Биыл, сонымен қатар Шымкент локомотив шаруашылығы KZ8 сериялы заманауи электровоздарды автожүргізу жүйесін енгізу арқылы пойыздар қозғалысының белсенділігін арттыруды қолға алыпты. Автожүргізу жүйесі – пойыз қозғалысы кезінде машинистің жұмысын айтарлықтай жеңілдетеді. 

Автоматты жиынтығы бар навигациялық аппараттың көмегімен және жүйенің позициясы бойынша пойыздың жүрісіне қарай жол пішіні мен учаскелердің күрделілігіне қарамастан тежегішті қолдануды және синхрондауды қамтамасыз етеді. 

Бұл – пойыз жұмысының бұзылып қалса да адами факторға әсерін айтарлықтай төмендетеді деген сөз. 

«Бұл жүйе автоматты түрде пойыздың есептік жылдамдығын күшейтеді және қозғалысына демеу береді, сонымен қатар уақытша немесе үнемі жылдамдықты шектейтін жерлерде жылдамдықты төмендетуге әсер етеді. Автожүргізу жүйесі машинистің ақпараттық, логикалық және пойызды басқару әрекетіне түсетін салмағын әлдеқайда жеңілдетіп, оңайлата түседі де қозғалыстың қауіпсіздігін қамтамасыз етеді», – деп түсіндірді Ерғазы Кенжебеков.