"ЕвроХим" еңсе тіктеп келеді
Жаңатас қаласының іргесіндегі Рудничная станциясы ірге қалағанына бес жыл толды. «ЕвроХим» отандық кәсіпорны өндірген фосфорит ұнтағын тиеген алғашқы құрам бес жыл бұрын осы станциядан аттанған. Рудничная станциясы жобасы тау-кен кешенінің соғылуымен қатар 2013 жылы басталды. 2015 жылдың соңында монтажды-құрылыс және жол төсеу жұмыстары аяқталған. 2016 жылы фосфорит ұнтақ өндіретін кәсіпорын Ресейдің Белореченск және Кингисепп қалаларындағы «ЕвроХим» кәсіпорындарына алғашқы өнімін жіберді. Тау-кен кешендері жобамен жылына 640 мың тонна фосфорит ұнтағын шығарады. Қазіргі таңда станцияда 21 теміржолшы жұмыс істеп жатыр, бүгінде жаңа соғылып жатқан химкомплекспен тығыз қарым-қатынасы бар логистикалық инфрақұрылымды дамыту жобалануда. Жаңатас станциясымен «ЕвроХим-Қаратау» – Дегерес өндіріс станциясын жалғап өтетін жобалық құжаттар дайындалуда. Бұл өз кезегінде 2031 жылға қарай 3 827,94 мың тонналық дайын өнімнің логистикалық жүк тасымалдауын қамтамасыз етеді деген болжам бар. Айта кетейік, 2015-2020 жылдар аралығында «ЕвроХим-Қаратау» өндірісінен 37 284 вагон жүк тиеліп жөнелтілген.