Маңғыстау вокзалында Ashyq жобасы жұмысын бастады

1 шілде күні Маңғыстаудағы теміржол вокзалында «Ashyq» жобасы ресми түрде жұмысын бастады. Маусымның ортасынан бастап жоба түбектің Маңғыстау және Бейнеу теміржол вокзалдарында сынақ ретінде қолданылып келген еді. Кеше түске дейін Маңғыстау вокзалында болып, жолаушы- лардың жаңа жүйемен танысып, өз статусын тексергендерінің куәсі болдық. Вокзал кассасына билет іздеп келген жергілікті тұрғын Дәметкен Сәриева «Ashyq» жобасы туралы естіп жүргенімен, өзі қолданып, мәртебесін анықтап көрмепті. Құжатының жеке сәйкестендіру нөмірін вокзал кіреберісінде планшетпен отырған вокзал кезекшісіне ұсынған ол лезде өз статусын анықтады. Нәтижесі көк шықты. Сондай ақ сол жердегі вок- зал қызметкерлерінен QR-код арқылы анықтау жолын біліп, өзі тексеріп көрді.

− Билет алғалы жатсақ та «Ashyq» жобасы жайлы естігелі пойызға мінгізе ме, жоқ па, қалай болады деген сан сұрақ бар еді. Енді, міне, қазір бәрін түсіндім. Жобамен өзіміздің қай статуста екенімізді оңай біліп, билет алып, жолға алаңдаусыз шықсақ болады екен, – дейді ол.

Вокзалда смартфоны жоқтар және жүйені қолдануды білмей- тіндер үшін арнайы қызметкер бекітілген. Ол қаладан кіреберіс есіктің алдында планшетпен жолаушылардың мәртебесін анықтауға көмектесуде. Сон- дай-ақ, вокзал дикторы да осы жұмысқа қолғабыс етуде. Оған қоса әкімдік тарапынан волонтер да бөлінген екен. − Бүгін таңертеңнен түске дейін елуге жуық адам жүйеден өткізілді. Олардан жасыл және көк нәтиже шықты. Сары, қызыл мәртебесі бар адамдар кездеспеді. Адам саны түстен кейін Атырау және Ақтөбе пойыздарының келіп кету аралығында күрт көбейеді деп отырмыз. Қазір соған дайындық ретінде әкімдіктен жіберілген еріктіні үйретіп жатырмыз. Түске дейін өткендердің дені билет алуға келген және өздерінің мәртебесін анықтап білгісі келетін қызығушылар болды. Сынақ мерзімінде жұмыс бастағалы жалпы үш қызметкер осы жұмысқа бекітілгенбіз, – дейді кіреберісте планшетпен жолаушыларға көмектесіп отырған вокзал кезекшісі Салтанат Байтабынова.