Ақтөбеліктер өрттен сақтанудың қамына кірісті

Шілденің аптап ыстығы қай өңірге болмасын оңайға соғып отырған жоқ. Ақтөбе облысы Мәртөк ауданында теміржолшылар төтенше жағдай қызметімен бірлесе тілсіз жаудан сақтануға арналған оқу-жаттығу өтті. Кешенді жаттығуға аудандағы барлық құрылымдар мен мекемелер, өрт сөндіру пойыздары түгел қатысты. Жаттығу төтенше жағдайда күш құрылымдарының дайындығын тексеріп, іс әрекетіне баға берді. Мәртөк ауданында өрт қаупі жоғары орманды алқап бар. Оқу-жаттығу жоспа- ры бойынша сондағы Таулы орман шаруашылығының аумағында өрт пайда болады. Ауа райының қолайсыз жағдайларына байланысты қатты жел мен қуаңшылықтан аумақтағы өрттің тез жайылып кету қаупі бар. «Орман – ортақ байлығымыз. Оны сақтау әр тұрғынның міндеті. Жазда табиғат аясында демалып, уақыт өткізетін- дер көп. Бірақ, жер ошақ қазып өтты өшірмей кететіндер, қоқыстарды сол жерге шашып кететіндер көп. Одан өрт шығуы әбден ықтимал. Тіпті лақтыра салған темекі тұқылының өзі бүкіл алқапты өртке ораған жағдайлар да болды. Біздің міндетіміз теміржол бойын өрттен қорғау болғандықтан, ыстық күндері оқу-жаттығу жұмыстарын осы аумақта өткізіп жатырмыз»,– дейді Ақтөбе мемлекеттік емес өртке қарсы қызметінің бастығы Әділ Құбаев. Жаттығу барысында өртке қарсы қызметтердің күш құралдарының қатысу тәртібі, өрт пойыздарының жұ- мысы, олардың бір-бірімен байланысы мен әрекет ету жаттығулары ұйымдастырылды. Шара барысындағы эвакоқабылдау пунктіне көшу жұ- мыстары да жоспардағыдай жасалып, эвакуацияланған тұрғындарды қабылдау орналастыру тәртібі көрсетілді. Кешенді комиссия қорытындысына сәйкес теміржол бойындағы өрттің алдын алу жұмыстарына оң баға берілді. Бұл оқу-жаттығулар түрлі төтенше жағдайлардың алдын алуға септігін тигізетіні атап өтілді.