Маңғыстау станциясындағы желілік полиция қызметкерлері ұйымдастырған жедел профилактикалық іс-шарасы кезінде елімізде заңсыз жүрген шетел азаматтары анықталып, соттың шешімімен өз елдеріне қайтарылды. Маңғыстау станциясындағы желілік полиция бөлімшесі берген ақпаратқа сәйкес, «Заңсыз келуші» жедел-профилактикалық іс-шара барысында халықаралық және республикалық қатынастағы жолаушылар пойыздары келген және тұрған уақытта, перрондарда, темір жол вокзалдары мен нысандарында жақын және алыс шетел мемлекеттерінің азаматтары арасында ҚР көші-қон заңнамаларын сақтау бойынша тексеріс, алдын-алу шаралары іске асырылды. Нәтижесінде көші-қон заңнамаларын бұзғаны үшін шетел азаматтарының көші-қон заңнамасын бұзуы, азаматтығы жоқ адамның ҚР заңнамасында белгіленген мерзім өткеннен кейін де елден кетпеуі фактілері тіркелді. Барлығы 14 шетелдік ҚР ӘҚБтК-ң 517 бабы 4 бөлігі бойынша әкімшілік жауапкершілікке тартылған. Аталған дерек заңды шешім қабылдау үшін сотқа жолданып, соттың қаулысымен 10 шетел азаматы Қазақстаннан тысқары шығарылған. Олардың үшеуі Өзбекстанның, қалғаны Түркияның азаматтары екен.