Қызылордадағы барлық станциялар жүк тиеу-түсіру жұмыстарына сақадай сай

Қызылорда ЖТ бөлімшесінің теміржолшылары жылдың алғашқы жартыжылдығында өткен жылмен салыстырған едәуір ауқымды жұмыстарды атқарып үлгерген. Бөлімшенің логистика және жүк тиеу-түсіру бөлімінің жетекші инженері Гүлнәр Балықбаева алты ай ішінде тәулігіне 87,23 вагонға жүк тиеліп, бекітілген жоспар 129,2 пайызға орындалғанын жеткізді. Яғни жыл басынан бері бөлімшеден 15789 вагонға 1047 731 тонна жүк тиеліп жөнелтілген. Тәулігіне 120 вагоннан жүк түсіру жоспары жылдың алты айында 128 вагонға жеткізіліп, жартыжылдық жоспар 106,5 пайызға орындалған. Сондай-ақ, жыл басынан бері 307 вагонға 14641 тонна мұнай және мұнай өнімдері, 141 вагонға 8350 тонна қара металл ломы, 2154 вагонға 137538 тонна химикат пен сода, 2777 вагонға 190885 тонна құрылыс заттары, 2554 вагонға 175200 тонна өндірістік шикізат, 4480 вагонмен 313275 тонна цемент, 1864 вагонмен 123977 тонна тұз, 461 вагонмен 31254 тонна ұн, 580 вагонмен 38316 тонна астық өнімі және 132 вагонмен 4570 тонналық өзге де заттар тиеліп жөнелтілген. Жалпы бөлімшеден жүк тиеуге барлық станциялар ашық, барлық мүмкіндік қарастырылған. Тиелім, түсіру жұмыстарына станциялық жолдар мен кір- ме жолдар жеткілікті, ұзын құрамды пойыздардың қозғалысына кедергі келтірмеу мақсатында, жалпы аймақтағы пойыздардың қауіпсіз қозғалысын арт- тыруға байланысты бірнеше станцияның жолдары қажетті ұзындыққа ұзартылған. Бүгінгі таңда бөлімшеде жүк тиеп-түсіру жұмыстарын ұйымдастыру станцияларда тыңғылықты жүруде. Мәселен, маусым айында Сексеуіл станциясына 241 тонна мұнай өнімдері жөнелтіліп, 6388 тоннасы түсірілген. Қазалы станциясынан 4076 тонна жүк тиеліп, 53647 тонна түсірілген, оның ішінде мұнай, минералды-құрылыс материалдары мен нан өнімдерінің салмағы басым. Әсіресе, жүк тиеліп-түсіру Қызылорда, Белкөл, Шиелі станцияларында қарқынды жүргізіліп келеді.