Ел аумағына заңсыз өтетіндерге ескерту жасалды
Жамбыл жүк тасымалы бөлімшесінде көліктегі полиция департаменті көші-қон қызметі басқармасы ұйымдастырған кездесу өтті. Басқосуда ел аумағына шетел азаматтарының келу ережелеріне енгізілген өзгерістер туралы сөз болды. «Бұл ережелерді бұзған кез келген өзге елдің азаматы жауапкершілікке тартылады. Біз күнделікті жұмысымыздың барысында тұрақты негізде шетел азаматтарының темір жол көлігімен Қазақстанның аумағында болуы мен транзиттік жол жүру ережелерін түсіндіріп келеміз. Бұл орайда сала мамандары да құқық бұзушылықтарға мүлдем төзбеушілік, сыбайлас жемқорлыққа қарсы күрес және бөтеннің мүлкін ұрлаудың алдын алу төңірегінде хабардар болуы тиіс», – деді Тараз станциясы желілік полиция бөлімшесі көші-қон қызметі тобының аға инспекторы полиция майоры Ғ.Абсаматов. Кездесу кезінде шетелдіктер мен азаматтығы жоқ адамдарды күтіп алушылардың жауапкершілігі де жан-жақты талқыланды. Сонымен қатар басшылық темір жол үстіндегі қауіпсіздік және жүк сақтау мәселелері бойынша сауалдарға жауап берді.