Арыс локомотив пайдалану депосында 54 қызметкер түрлі жауапкершілікке тартылған

Кез келген жұмыс орнында жұмысшылардың қауіпсіздігі мен еңбек қорғау басты орынға қойылады. Өйткені, бұл – ең алдымен адам өмірі. Арыс локомотив пайдалану депосында қауіпсіздік қай деңгейде, назар салып көрелік. Жалпы, ТЧЭ-32 бойынша бүгінде 974 адам, оның ішінде 108 әйел адам еңбек етеді. Жыл басынан бері өндірісте бұрын алған жарақаттары үшін зиянды өтеу бойынша 8 адам жәрдемақы алған. Еңбек жағдайларын жақсарту және еңбекті қорғау жөніндегі іс-шаралар қалай қаржыландыруда, соған тоқталайық. 2021 жылға арналған кешенді іс-шараға сәйкес ТЧЭ-32 бойынша жалпы сомасы 19 млн 469 мың 222 теңге болатын 8 іс-шара жоспарланған. Атап айтқанда, диэлектрлік қолғаптарды сынау құны 464 мың 340 теңге, 259 мың 488 теңге сомасына слесарлық құралдарды сынау, 69 мың 363 теңге сомасына жерге тұйықтау штангаларын сынау, 162 мың 246 теңге сомасына ТЧЭ-32 электр сымдарының оқшаулау кедергісін өлшеу қарастырылды. Ал санитарлық-тұрмыстық жағдайларды жақсарту мақсатында 15 кондиционер, 5 тоңазытқыш, 4 диспенсер алу көзделген. Бұдан бөлек, машинистердің рейс алдындағы денсаулығы деген маңызды мәселе бар. Себебі, жолда апатты оқиғаларды болдырмау, оның алдын алу машинистерге тікелей тәуелді. Жыл басынан бері рейс алдындағы медициналық куәландыру нәтижелері бойынша ауысым алдында 60 508, ауысымнан кейін 59 810 тексеру, яғни барлығы 120 318 тексеру болған. Жеті ай ішінде артериялық гипертония, ЖРВИ, жоғары температура және басқа да ауруларға байланысты 23 адам жұмыстан уақытша шеттетілген. Аурухана парақтарының саны мыңнан асып жығылды және еңбекке жарамсыздық күндерінің саны 7 429 күнді құрады. Медицина қызметкерлері ауысым алдындағы, мерзімдік медициналық тексерулерден уақытылы өтуді тексеру бойынша жұмыстарды ұйымдастырады. Гипертония, жүрек-қан тамырлары ауруларымен диспансерлік есепте тұрған қызметкерлерге және жұмысқа жіберу туралы медициналық-әлеуметтік сараптама комиссиясының қорытындысына ерекше назар аударылады. Еңбек қауіпсіздігі мәселелері бойынша 404 адамды оқыту әрі білімдерін тексеру ұйымдастырылған. «Кенеттен тексеру» кестесіне сәйкес, депо басшылары технологиялық процестерді орындау кезінде 84 рет тексеру жүргізген. Онда басшылар жұмысшылардың қауіпсіз еңбек тәсілдерін сақтаған-сақтамағанын, жұмыс орындарында жеке қауіпсіздік техникасын және еңбекті қорғауды қамтамасыз ету, қауіпті жұмыс орындарын қоршау, қызметтік өту маршруты, ескерту белгілерінің болуын, т.т. қадағалайды. Ойда жоқта келген тексерістен 54 қызметкер «сүрініп», тәртіптік жауапкершілікке тартылды, оның ішінде 12 қатаң сөгіс, 22 сөгіс, 20 ескерту алғандар болды. Арыс-Сарыағаш-Арыс қызмет көрсету учаскесі бойынша кенеттен 9 тексеру, Арыс-Тараз-Арыс телімінде 9 тексеру, Арыс станциялары бойын- ша 10 тексеру жүргізілді. Тексеру барысында 76 бұзушылық анықталып, 78 адам тәртіптік жауапкершілікке тартылды. 14 машинист пен 12 көмекші ескерту, 6 машинист пен 5 көмекші сөгіс алды. Ұжымда 20-дан аса «Мінез-құлық диалогы» өткізілді. Тексеру барысында 147 сәйкес емес жайт анықталды. Барлық анықталған ескер- тулер көрсетілген мерзімде жойылды. Дизель отынын ұрлауға байланысты локомотив бригадалары тарапынан болатын келеңсіз әрекеттердің алдын алу айлығы жарияланды. Айлық аясында машинист нұсқаушыларымен бірге 20 тепловоз тексерілді. Жыл басынан бері дизель отынының шығыны – 1617,112 тоннаны, ал үнемдеу – 8,668 тоннаны құраған.