Корттағы күш пен құлшыныс

Атырау жүк тасымалы бөлімшесі кәсіподақ комитетінің ұымдастыруымен және спорт нұсқаушыларымен бірлесе бөлімше қызметкерлері арасында үстел теннисінен ерлер және әйелдер арасында жарыс өтті.  

Спорт нұсқаушысы Ринат Иманғазиевтің айтуынша, ойынға Атырау локомотив депосы, Ганюшкино айналым депосы, Махамбет станциясы және Жүк тасымалы бөлімшесінің аппарат қызметкерлері қатысты. Ептілік, жылдамдық, шеберлік үйлесім тапқан кордтағы жарыс қызу өтіп жатты. Командалар жарысқа ұмтылып, шебер ойын үлгісін көрсетті, ракеткамен теннис шаригін қақпақылдап қарсыласына дес бермеуге тырысты, шабуыл шапшаңдығын үдетіп, допты қатты соққымен бағыттап отырды.  

Тартысты өткен ойын нәтижесінде ерлер арасында ТД-26-Ганюшкино айналым депосы машинистерінің бағы жанып, жүлделі бірінші орынды Жасұлан Мұхамеджанов, 2-орынды Аслан Тюмешов, ал 3-орынды машинист-нұсқаушы Дәулет Сүлейменов иеленді. Ал қыздар арасында 1-орынды кәсіподақ ұйымының сарапшысы Айдана Ерболатова жеңіп алды. Сайысқа қатысушылар сәйкесті диплом және ақшалай сыйлықпен марапатталды.