Теміржолшы пара-пауэрлифтингтен Қазақстан чемпионатында күміс алды
Ақтауда пара-пауэрлифтингтен Қазақстан Республикасының чемпионаты өтті. Жарыс қорытындысы бойынша «ҚТЖ» ҰК» АҚ – «Магистральдық желі дирекциясы» филиалы Жабдықтау департаментінің өндірістік қорлар секторының жетекші инженері Дәурен Мәдижан екінші орынды иеленді, деп хабарлайды Rail-news.kz.
Дәурен Мәдижан пара-пауэрлифтингтен Қазақстан Республикасының халықаралық дәрежедегі спорт шебері. Спорттық мансабы жылдарында ол бірнеше рет республикалық және халықаралық жарыстардың жеңімпазы және жүлдегері атанды.
Оның жетістіктері: – Қазақстан Республикасының үш дүркін чемпионы – 2023, 2024 және 2025 жылдары; – Қазақстан Кубогының 2026 жылғы иегері. Ол 2023 жылы Римде өткен әлем чемпионатының қатысушысы және IPF нұсқасы бойынша халықаралық турнирдің күміс жүлдегері.
Келесі медаль теміржолшының көп жылдық жаттығулары мен кәсіби спорттық тәжірибесінің нәтижесі болды.