"Қазкөліккәсіп-2021" турнирінің шағын-футболдан іріктеу ойындары өтті

Спорт
13.07.2021, 13:22
Сабырхан Сейілбекұлы

Қызылорда облысы бойынша меншікті тілші

Қызылорда ЖТ бөлімшесіне қарасты Сексеуіл мен Қазалы станциясындағы мекемелердің құрама командалары арасында «Теміржолшылардың футбол лигасы Кубогының «Қазкөліккәсіп-2021» турнирінің шағын-футболдан іріктеу ойындары өтті. Тәуелсіздіктің 30 жылдығы және жастар арасында салауатты өмір салтын қалыптастырып, олардың ұжымаралық ынтымағын нығайту мақсатында өткізілген шағын-футбол турниріне Сексеуілден алты құрама, Қазалы станциясынан алты команда қатысып, өзара бақ сынады. Командалардың жеңіске жетуге ұмтылған жігері мен өзара ымыраласа әрекет етіп, қарсыластарының осал жерін аңдып, қақпаға доп енгізуге ұмтылуы ұжымдық ойын саналатын футболдың көрігін қыздырып, көрермендердің делебесін қоздырды. Команда ойыншыларының аптап ыстықта алаөкпе болмауын ойластырған ұйымдастырушылар ойын кестесін таңертеңгілік салқында өткізді. – Теміржолшылар арасында өткізілетін мини-футбол турнирінің іріктеу кезеңін бөлімшенің солтүстігіндегі бекеттерден бастадық. Турнир «Теміржолшылардың футбол лигасының «Қазкөліккәсіп-2021» кубогын сарапқа салу үшін өткізілуде. Сексеуіл мен Қазалы станциясында жеңіске жеткен құрама командалар алдағы күндерде Қызылордада өткізілетін жарысқа жолдама алды, іріктеу турының жеңімпазы атанып, жарыс жолын жалғастыратын болады,– деген шараны ұйымдастырушы «Қазкөліккәсіп» ҚБ аймақтық филиалы төрағасы Бауыржан Ахметов, турнир барысында қауіпсіздік шараларына мән беріп, ойын талабының сақталғанын ескертті. Шиеленісті ойын шебер ойыншыларды да анықтады. «ӘТЖК» құрамасының ойыншысы Айғара Жанаман үздік қорғаушы, «ПЧ-60» командасының ойыншысы Кенжебек Қосмамбетов үздік шабуылшы, «ТД-23» құрамасының ойыншысы Сарманов Нұрғиса үздік ойыншы, ШЧ-40» командасынан Жақсыбек Байжанов үздік қақпашы номинациясымен марапатталып, бағалы сыйлықтар мен грамоталар иеленді. – Жалпы құрама командалардың дайындығы жақсы. Карантин шараларына байланысты мәдени-көпшілік шараларына шектеу жасалғанмен біздің теміржолшылар кәнігі спортшылардай әдемі ойын өрнегін көрсете білді. Сексеуіл станциясында өткен турда Қазалы электрмен жабдықтау дистанциясының «ЭЧ-26» құрамасы 1-орын, «ДС Сексеуіл» командасы 2-орын, «Локомотив» құрамасы 3-орын иеленсе, Қазалы станциясында жалғасқан доп додасында бірінші орынды «ТД-23» командасы, екінші орынды «Локомотив» командасы, үшінші орынды «ШЧ-40» құрама командалары иеленді,– деді спорт секторы Бақытжан Имбергенов. Жүлделі орын алған«ТД-23» және «ЭЧ-26» құрама командаларына мекемелердің кәсіподақ ұйымы атынан кіші кубок пен бағалы сыйлықтар беріліп, алдағы додада сәттілік тіледі.

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды