Берлинде InnoTrans теміржол техникасының 14-ші көрмесі ашылды
Германия астанасында InnoTrans теміржол техникасының 14-ші көрмесі өз жұмысын бастады, мұнда 59 елден 2900-ден астам компаниялар мен ұйымдардың экспонаттары 42 павильондарда, ашық алаңдар мен жалпы ұзындығы 3,5 км болатын жолдарда қойылған, деп хабарлайды Rail-news.kz.
Көрмеде техника мен технологиялардың 226 инновациялық бейнесінің премьералық көрсетілімі күтілуде. Бұл бұған дейін өткізілген барлық көһрменің ең үлкені болып отыр, ол 200 мың м² аумақты алып жатыр.
Көрменің ресми ашылуы 1000-нан астам арнайы шақырылған қонақтардың қатысуымен жергілікті уақыт бойынша сағат 10.00-де басталды. Еуропалық Одақ өкілдері, Германия үкіметі, темір жол саласы және сала басшылары сөз сөйледі.
24-27 қыркүйек аралығында өтетін көрменің іскерлік бағдарламасы Еуропалық темір жол саласы қауымдастығы (UNIFE), неміс теміржол саласы қауымдастығы (VDB) және басқа салалық қауымдастықтар ұйымдастырған көптеген конференцияларды қамтиды.
Келушілер Google Cloud, IBM, Cisco, Next сияқты 17 елден келген 42 экспоненттің жасанды интеллект, киберқауіпсіздік және робототехника саласындағы шешімдері ұсынылатын AI Mobility Lab көрме аймағын алғаш рет көре алады. Көлікте AI және онымен байланысты технологияларды пайдалану бойынша AI Mobility Corner конференциясы да осында өтеді.