Теміржол желісі дамыған елдердің рейтингінде АҚШ көш бастады
Әлемдегі теміржол желісі дамыған елдердің рейтингінде АҚШ көш бастады, деп хабарлайды Rail-news.kz.
Ең ұзын теміржол желісі АҚШ-та – 300 мың шақырымға жуық. Бұл ұзындығы жағынан екінші орында тұрған Қытайдың магистральдық желілерінен екі есе және үшінші орында тұрған Ресей теміржолдарының ұзындығынан үш есе жоғары.
Ал, жүрдек темір жолдың ұзындығы бойынша Қытай көптеген жылдан бері алғашқы орында.
2024 жылдың соңына дейін Қытайда 2,3 мың шақырым жоғары жылдамдықты теміржол салынған, осылайша елдегі жоғары жылдамдықты теміржолдың жалпы ұзақтығы 47 мың шақырымға жеткен. Ал, Ресейде жұмыс істейтін темір жолдардың ұзындығы 162 мың шақырымды құрайды.
Қытай электрлендірілген жолдардың ұзындығы бойынша да көшбасшы – 80 мың шақырым. Екінші орында Ресей – 44 мың км.