Құрық порты арқылы өтетін жүктер көлемі артты
Маңғыстау облысы бойынша меншікті тілші
Биылғы жеті айда түбек теміржолының жүк айналымы былтырғыдан екі есеге дейін көбейді. Соның ішінде Транскаспий халықаралық көлік бағдарымен Құрық порты арқылы өткен жүктер мен тиеу көрсеткіштері әжептәуір өскен. Нәтижесінде жүк айналымының жоспары 116,8 пайызға немесе миллион тоннаға артығымен орындалды.
Тарқатып айтсақ, жыл басынан тамызға дейінгі жүк айналымы 4 млн 229 мың тоннаға жетті. Ал жоспар 3 млн 761 мың тонна болатын. Тиелген жүктердің салмағы да басым. Ол өткен жылғы салыстырмалы кезеңнен 107,7 пайызға артқан. Оған себеп жергілікті жерден тиелетін жүк көлемі көбейген. Мәселен, бір ғана Шетпе станциясынан айына 40 мың тонна қиыршық тас жүктеледі. Бұл жергілікті құрылыс материалы қазір Атыраудағы жол құрылысына тасы малдануда. Бейнеуден шығатын ұлутастың да тасымалы қызып тұр. Еліміздің түкпір-түкпірін дегі құрылыс үшін станциядан күніне 60-70 ашық вагон тас тиеліп жөнелтіледі. «КазАзоттың» селитрасы да тәулігіне 20-30 вагоннан, айына 30 мың тонна жөнелтілуде. «Каспий битум» зауытының өнімі отандық нарықта құлашын кең сермеген сайын теміржол тасымалына сұраныс та арта түсуде. Қазірдің өзінде күн сайын 40-50 цистерна битум тиеледі.
Жөнелтілген жүктерге қалай қызмет көрсетілсе, түбекке жеткізіліп жатқан жүктер де солай қабылдануда. Жүк түсіру жоспарын орындау көрсеткіші 118,9 пайызды құраған.
– Қазір бізде контейнерлік тасымал қарқыны жоғары. Бұл бағытқа сұраныс соңғы кезде бірден өсті. Алтынкөл, Достық бағытынан Ақтау портына келіп, одан әрі су жолымен Алят арқылы Еуропаға шығуда. Өткен жылы жеті айда 41 кемемен 9179 кон тейнер кеткен еді. Биыл 83 кеме жібердік. Онымен 13 413 контейнер жөнелтілді. Бұл тек ТХКБ көлік бағдары бойынша. Одан басқа фидерлік кемемен тағы 15 мың контейнер шетел асты. ТХКБ ғана емес, жүк ва гонымен кемеге тиеліп кетіп жатқан Құрық порты бағытының да көрсеткішінде өсім бар. Өткен жылдың жеті айында 185 пароммен 260 мың тонна жүк өтсе, биыл 343 кемемен 1 млн 110 мың тонна жүк жібердік.
Ал бидай тасымалына келсек, бидайды сыртқа шығаруға санкция болғанға дейін Солтүстік теңіз терминалы және Ақбидайдан ауыстырып тиеу көрсеткіші жоғары болатын. Дегенмен қазір бізде басқа бағыттар жандану да. Өңірде екі порттың болуы – өзге аймақтарға қарағанда біздің артықшылығымыз. Соның нәтижесінде жұмыс көбейіп, қысқарып кету қаупі бар кейбір қызметкерлер өз жүктемесіне сай еңбек етуде, – дейді Маңғыстау қосалқы бөлімінің басшысы Нәжімеден Ғұбашов.
Маңғыстау теміржолында жүк тасымалының жоғары деңгейге жетуі компания бюджетіне қомақты қаражат құйып қана қоймай, жұмыс көлемінің артуы логистика бөлімін Ақтөбеге көшіру мәселесін уақытша болса да шешкен...