Қытай Қазақстанды айналып өтіп Еуропаға баратын барлық жобаларын тоқтатты – сарапшы

Жүк тасымалы
18.10.2023, 10:52
Қазақстан теміржолшысы

Пекинде ашылған Әл-Фараби бюсті тележаңалықтарға әдемі картина беріп, жақсы көңіл-күй фонын қамтамасыз етсе де, «Бір белдеу, бір жол» форумының, оның аясында өткен Қасым-Жомарт Тоқаев пен Си Цзиньпин кездесуінің негізгі түбі – «Тачен – Аягөз» теміржолы туралы келісімге қол қою болатын, дейді іскерлік журналистика бойынша сарапшы Айбар Олжай.

Оның айтуынша, бүгіннен бастап Қытай Қазақстанды айналып өтіп Еуропаға баратын барлық жобаларын түгел тоқтатты. Және «Қытай-Қырғызстан-Өзбекстан» теміржолы жоспарын арғы жәшікке ысырып тастады.  

«Үш күн бұрын Бішкекке өз минералкасымен барған қазақтар Алатаудың ар жағындағы ағайынға осы жаңалықты сөзбен емес, ыммен білдірген еді. Тағы бір жағымды жаңалық – Қытай Еуропа ғана емес, тіпті Ресейге де Қазақстан арқылы шығатын болады. Енді тез арада салынатын «Тачен-Аягөз» теміржолы Шыңжанды Аягөзбен байланыстырып, құрамдарды ары қарай Ресейдің Транссібір магистраліне және Қазақстанның ішкі теміржол жүйесімен байланыстырып, Ақтау портына шығарып бермек. Қазір Ресей мен Қытай арасындағы теміржол арқылы тауар тасу Маньчжурия – Забайкальск, Суйфынхэ – Гродеково бекеттері арқылы жүреді. Бірақ Аягөзге жол ашылса, Қытай үшін Ресейге Қазақстан арқылы шыққан анағұрлым тиімді болмақ», – деді ол.

Бұған дейін Қытай Еуропаға тек Алматы облысы арқылы, яғни Достық-Алашанкоу, Алтынкөл-Қорғас арқылы шығып келген еді. Енді Абай облысы арқылы жаңа қақпа ашса, онда Абай өңірі транзиттік хабқа айнала бастайды.

«2025 жылы жаңа облыс қосымша 20 миллион тонна жүк айналымын қосып алады деген жоспар бар. 2022 жылы Абай облысы Қытайға 25 миллион доллардың тауарын экспорттады. Бірақ басты фокус экспортқа емес, транзиттік логистикаға берілетін болады. Нұрлан Телманұлы Ұранхаевтың интуициясы жақсы жұмыс істесе, Абай облысы аса қиналмай өз жағдайын жасап алатын мүмкіндікке ие болайын деп тұр», – дейді А. Олжай.  

Сонымен қатар ол «Қазақстан теміржолы» ұлттық компаниясы Еуразия даму банкінің көмегімен Аягөз-Тачен жолының техникалық-экономикалық негіздемесін аяқтап біткенін, теміржол 2025 жылы пайдалануға берілуі тиіс дегенді айтты.

«Пекиннен қайта ұшатын Airbus 330 Қазақстанға қол қойылған 24 келісімшарт алып келетін болады. Қазақ халқы өз тағдырына үнсіз көз қысуда. 100 жылдан кейін планета тынысын тоқтатса да, қазақ халқы өз бақыты үшін соңына дейін күрескен ұлт ретінде тарихта қалмақ», – дейді сарапшы.

 

Жүк тасымалы
04.07.2025
Жаңа маусымға – жаңа вагондармен
Аймақтар
04.07.2025
Депутаттар контейнерлік аэрохаб жұмысымен танысты
Аймақтар
04.07.2025
Абай әлеміне саяхат
Цифрландыру
04.07.2025
Цифрлық технология: Зияткерлік білім сайысы
Аймақтар
04.07.2025
Құлсары дистанциясында жол жөндеу қарқын алды
Аймақтар
04.07.2025
Болашақ станциясы арқылы Түрікменстанмен жүк алмасу тұрақты жалғасуда
Жаңалықтар
04.07.2025
Қазақ-моңғол қатынасы сөз болды
Жаңалықтар / Мұрағат
04.07.2025
Қазақстан теміржолшысы газеті, №51 04 шілде 2025 жыл
Жаңалықтар
03.07.2025
Мемлекет басшысы Көлік министрі Нұрлан Сауранбаевты қабылдады
Қауіпсіздік
03.07.2025
Өрт сөндірудің заманауи әдістері талқыланды
Жаңалықтар
03.07.2025
ҚТЖ Басқарма төрағасы тағайындалды
ҚТЖ келбеті
03.07.2025
Астанада тоғысқан тағдырлар
Жолаушылар тасымалы
03.07.2025
Маусым айында ҚТЖ пойыздарымен 1,2 миллионнан астам жолаушы тасымалданды
Аймақтар
02.07.2025
«Таза Қазақстан»: Семей теміржолшылары санитарлық тазалықты күшейтуде
Жүк тасымалы
02.07.2025
Бірінші жартыжылдықта ҚТЖ желісінде экспорттық тасымалдың өсуі тіркелді
Әлемде
02.07.2025
Трансауған теміржол магистралі іске аса ма?
Жаңалықтар
02.07.2025
Түркістан станциясында жас жігіт суицид жасамақ болды
Жүк тасымалы / Апта саны
01.07.2025
ҚТЖ желісі бойынша астық тасымалы 53%-ға өсті
ҚТЖ келбеті
01.07.2025
100 маман іріктелді
Инфрақұрылым
01.07.2025
Шымкент жолшылары асарлатып ауқымды жұмыс атқарды