Қыс маусымына вокзалдардың дайындығы қандай?

Сұхбат
21.08.2019, 16:10
Сұлугүл Бакесова

«Қазақстан теміржолшысы» газетінің тілшісі

Қала қақпасы саналатын вокзалдар адамдар көп шоғырланатын жер. Сондықтан күні-түні халық арылмайтын стратегиялық нысанның жылдың төрт мезгілінде жайлы, жазда салқын, қыста жылы болуы шарт. Алдағы қыс маусымына вокзал шаруашылығының дайындығы қалай, қандай шаруалар тындырылды? Магистральдық желі дирекциясы директорының вокзал шаруашылығы жөніндегі директоры Абай Досановтан осы және басқа сауалдарға жауап алуға тырыстық.

– «Вокзалдардың қызметі ҚР «Темір жол көлігі туралы» заң шеңберінде іске асады. Қазіргі кезде дирекцияға қарасты 244 теміржол вокзалы және 346 жолаушылар платформасы бар. 2018 жылы Құрылыс-жөндеу бригадаларымен 69 вокзалда ағымдық жөндеу жұмыстары жүргізілді. Себебі, бұл вокзалдардың кемшілігі болды. 2014 жылы заңға өзгерістер енген болатын. Онда мүмкіндігі шектеулі тұлғалардың кедергісіз жүріп-тұруына арналған пандустардың өз параметрлері болды. Біз осы пандустарды кеңейтіп, талапқа сәйкестендірдік.Есту қабілеті нашар тұрғындар үшін анықтама бюросында индукциялық панел, мүгедектер кресло-арбасы жаңартылып, бұл санаттағы тұлғалар үшін күту залдарында арнайы пиктограммалармен белгіленген орындармен, арнайы санитарлық желімен жабдықталып, есіктер саңылаулары кеңейтілді. Нұр-Сұлтан-1 темір жол вокзалында барлық эскалатор ауыстырылды. Сонымен қатар 2016 жылы біз тұжырымдама жасадық, ол кластан тыс және 1-ші класты вокзалдардағы алаңдарды жалға беру ережесіне қатысты болатын. Бұл туралы «ҚТЖ» ҰК»АҚ сайтында берілген және де бұл байқауға бәрі қатыса алады.

– «Қыс шанаңды жаз сайла» демекші, қатал маусым қыр астында. Қыстан қысылмай шығудың қандай амалдары жасалып жатыр?

– Әлбетте, теміржолдың қай шаруашылығы болмасын тәртіп біреу. Сондықтан біз де Компания басшылығының қысқа қамданыс туралы бұйрығын бұлжытпай орындауға міндеттіміз. Нысандарды алдағы 2019-2020 жылдардың қыс маусымына дайындау шеңберінде қабылданған арнайы шаралар жоспары бар. Қазір вокзал шаруашылығы нысандарын жылыту үшін қатты және сұйық отын түрлерімен қамтамасыз ету жұмыстары жүргізіліп жатыр. Сондайақ, қызметкерлерді қысқы арнайы киіммен қамтамасыз ету, жылу трассаларын жылуды сыртқа жібермейтіндей етіп бітеу, вокзалдарға ағымдық жөндеу жүргізу, қазандықтарды электрлі жылыту құралдарымен қамтамасыз ету, кіреберіс топтарын алмастыру сияқты тағысын тағы шаруалар қат-қабат атқарылып жатыр.

– Ағымдық жөндеуден бөлек, күрделі жөндеу жұмыстарынан өтіп жатқан вокзалдар ше, олар қысқа дейін толық біте ме?

– Былтыр магистральдық желі дирекциясында құрылған құрылыс-жөндеу бригадаларының күшімен биыл 63 ғимаратқа және 17 жолаушылар платформасына ағымдық жөндеу жұмыстарын жүргізу жоспарланған болатын. Қазіргі күні 15 ғимарат пен 2 жолаушылар платформасында жөндеу жұмыстары аяқталды. Ең үлкен ауқымды жұмыс Қарағанды теміржол вокзалында жүргізіліп жатыр. Яғни, өткен жылы «Камстрой» ЖШС кәсіпорынымен жасалған шарт негізінде Қарағанды теміржол вокзалы осы жылдың соңына дейін қайта құрылымдау жұмыстарынан өтпек. Реконструкциялау жұмыстары барысында жаңа терминал салу, вокзал алаңын ұлғайту, жапсарлас құрылыс салу, ішкі интерьерді жайластыру, абаттандыру тағы басқа шаруалар іске асырылмақ. Атап өтерлігі, бұл жұмыстар жолаушыларға қызмет көрсетуде кедергі келтірілмей, барлық қауіпсіздік шараларын сақтай отырып ұйымдастырылуда және пайдалануға кеңселерді кезең-кезеңмен тапсыру қарастырылған. Қарағанды вокзалын қайта құрылымдау бойынша атқарылып жатқан жұмыстарға байланысты биылғы 26 наурыздан 1 қыркүйекке дейін вокзал ғимараты жабық тұр. Соған байланысты вокзал әкімшілігінің барлық қызметкерлері ЭЦ қосыны ғимаратына қоныстанған. Ал вокзал ғимаратының алаңын жалға алып келген кәсіпкерлерге перронда және вокзал маңындағы аумаққа көшуге қосымша келісім жасалған. Жолаушыларға келсек, оларға пойыздарды вокзалға іргелес автовокзалдың күту залында отырып күтуіне жағдай жасалған.

– Жолаушыларға қолайлы жағдай жасау үшін алдағы уақытта қандай жобалар жүзеге аспақ?

– Вокзал нысанына келіп кетіп жататын жолаушыларға жоғары сервистік қызмет көрсету - біздің басты ұстанымымыз. Сондықтан біз бір жылға жоспар жасағанда, алдымен күрделі және уақыт талап етіп отырған мәселелерді шешуге басымдық береміз. Мәселен, пойыздарды қарсы алып жөнелту кезінде жолаушыларға қолайлы жағдай жасау үшін шаруашылық тәсілмен Қызылорда және Ақкөл станцияларындағы жолаушылар платформаларына жөндеу жүргіздік, Бурабай курорты станциясындағы жолаушылар платформасы ұзартылды. Қазіргі кезде Өскемен станциясындағы платформаны 150 метрге дейін ұзарту бойынша жұмыстар жүріп жатыр. Сондай-ақ, осы жылдың соңына дейін Жалаңашкөл станциясындағы жолаушылар платформасын 350 метрге дейін ұзарту көзделіп отыр. Сонымен қатар кешегі жарылыстан залал келген Арыс теміржол вокзалына көне келбетіне нұқсан келтірмей, жөндеу жүргізу қарастырылып отыр. Сөз реті келгенде, жолаушыларға бір сәт қолайсыз болып көрінгенімен, шын мәнінде, жеке бастың қауіпсіздігін қамтамасыз ететін вокзалдарда багажды тексеріп өткізу құрылғылары туралы да айта кетсек. 2017 жылы енгізілген құрылғы арқылы жолаушылардың багаждары тексеріліп өткізіледі. Нәтижесі де жоқ емес, тексеріс барысында суық қару, тағы-тағы қауіпті заттар табылып, тәркіленді, қылмыстық іс қозғалған да жағдай болды. Жалпы еліміздегі вокзалдардың жағдайы жаман емес. Алдағы қысқа көзделген шаруалар толық аяқталады деп сендіреміз.   

Аймақтар
14.05.2025
«Әкем – асқар тауым»: Қызылордада әкелер мен ұлдар сайысы өтті
Қауіпсіздік
14.05.2025
20 мыңнан астам азаматқа теміржолдағы қауіпсіздік ережелері түсіндірілді
Әлемде
14.05.2025
Қытайда сутегімен жүретін пойыз алғаш рет жолға шықты
Жаңалықтар
14.05.2025
Мас жолаушы пойыздың тоқтау-кранын жұлып алып, тоқтауына себеп болды
Жаңалықтар
14.05.2025
Қытай Қазақстанға алғашқы CEA1 магистральдық электровозын жеткізді
Жүк тасымалы / Апта саны
13.05.2025
ҚТЖ желісінде жүк тасымалы 4,5%-ға артты
Сұхбат
13.05.2025
Қанат ӘЛМАҒАМБЕТОВ: «Шиеленісті жағдайды уақытылы шешуге мүдделіміз»
Аймақтар
13.05.2025
Ғибратты ғұмыр
Аймақтар
13.05.2025
Жүз жасаған кейуана
Станция тынысы
13.05.2025
Болашақ станциясы өсім жолында: жаңа дәреже – жаңа міндеттер
Аймақтар
13.05.2025
Теміржолшылар Жеңіс күні бірлік пен рухты паш етті
Жаңалықтар / Мұрағат
13.05.2025
Қазақстан теміржолшысы газеті, №36 13 мамыр 2025 жыл
Жүк тасымалы
12.05.2025
Қытайдан Орталық Азия елдеріне контейнерлік тасымал 104%-ға өсті
Жаңалықтар
12.05.2025
Қазақстан бидайы алғаш рет БАӘ нарығына шықты
Жаңалықтар
12.05.2025
Алты ел еуразиялық дәлізді қалыптастыру барысын талқылады
Спорт
12.05.2025
Бес вагон сүйреп рекорд орнатты
Аймақтар
12.05.2025
Шымкент вокзалы маңындағы алып сағат қайта іске қосылды
Жүк тасымалы
12.05.2025
Қазақстан, Өзбекстан және Тәжікстан теміржолшылары жүк тасымалдау көлемін ұлғайтуды талқылады
Әлемде
12.05.2025
Қырғызстанда Қытай – Қырғызстан – Өзбекстан бағыты бойынша алғашқы тоннельдің құрылысы басталды
Әлемде
12.05.2025
CAF компаниясы жаңа Oxygène электр пойызын таныстырды