"Мектепке жол" акциясына атсалысуда

Жаңалықтар
29.08.2017, 10:21
 Қоңыраулы күз атыраулық теміржолшылардың мектеп жасындағы балалары үшін қамсыз басталмақ.     Атырау жүк тасымалы бөлімшесіндегі  әлеуметтік тұрғыдан аз қамтылған отбасылары  балалары, сондай-ақ, үш баладан көп сала қызметкерлерінің бүлдіршіндері толықтай мектепке қажетті керек-жарақпен қамтылуда. Кеше Атырау жүк тасымалы бөлімшесі кәсіподақ ұйымының ұйымдастыруымен  теміржолшылардың 1-ші сыныпқа баратын балаларына арналған мектепке қажетті оқу құралдары толы 55 сөмке балаларға тарту етілді.  «Мектепке жол» қайырымдылық акциясы шарасында  әсіресе шалғай станциялардағы теміржолшы отбасыларын оқу құралдарымен қамтуға басымдық берілген. Алғашқылардың бірі болып мектеп құралдары толы сөмкені иығына салған Әлимұхаммед Қадырханұлы биыл мектеп табалдырығын  алғаш аттамақ.  Оған және оның төрт бауырларына да Атырау жүк тасымалы бөлімшесі басшысының бірінші орынбасары Амантай Жайлығұлов пен кәсіподақ ұйымының төрағасы Орынбасар Райсов мектеп құралдары толы сөмке табыс етті. –Биылғы «Мектепке жол» акциясы Атырау  өңірінің теміржолшылары үшін жоғары деңгейде өткізілуде. Бұл ретте жалғызілікті және әлеуметтік демеуді қажет ететін отбасылар балаларына көңіл бөліп, бір жолғы материалдық көмекті қаржылай беріп отырмыз, – дейді Атырау жүк тасымалы  бөлімшесінің кәсіподақ ұйымының төрағасы Орынбасар Райсов.     Жаңа оқу жылында алғаш мектеп табалдырығын аттау сәтінде баласын мектеп құралдарымен қамтып,әрі материалдық көмек беруге шешім еткен басшылыққа разы болған Әлимұхаммедтің әкесі Қадырхан бес баланың әкесі. Атырау станциясында вагон жүрісі жылдамдығын реттеуші болып жұмыс істейді. –Біздің отбасымыздың қазіргі жағдайын бағдарлап, қолдау білдірген кәсіподақ ұйымына алғысымыз зор. Жер телімін алып, жаңа баспананың іргетасын енді қалап отырғандықтан жұмыс беруші тараптан әркез қолдау көру жеке мен үшін үлкен көмек, – дейді Қадырхан Бөлешов. 

Тұрсын ҚАЛИМОВА,  АТЫРАУ 

Қызылордалық бас теміржолшы Аманкелді Арысбаев балаларды жаңа оқу жылының басталуымен құттықтап, 17 түрлі оқу құрал-жабықтарымен толтырылған мектеп сөмкесін 30 балаға табыс етті. Теміржолшылардың дәстүрлі «Мектепке жол» акциясы «Балаларға бірге көмек берейік!» ұранымен өткізілді. Аталмыш акцияда «Бақытты отбасы – бақытты балалық шақ» жоба аясында 150 мың теңге қаражат жиналып, 30 баланың тізімі жасақталды. Балалардың түрлі әлеуметтік себептермен мектепке бара алмауының алдын алу және аз қамсыздандырылған отбасы балаларына қолдау көрсету мақсатындағы акцияға қаламыздағы №3 мектеп-лицейі, №6 мектеп, Осипенко атындағы №8 мектеп және Б. Шалғынбаев атындағы №217 мектептің бастауыш сынып оқушылары таңдап алыныпты. Себебі осы мектептің  ата-аналары теміржолшылардан қолдау сұрап келіпті. «Нұр Отан» партиясы «Теміржол» филиалының ұйымдастырумен аймақтағы барлық теміржол мекемелердің кәсіподақ ұйымдары бірлесіп көмек сұраған 30 отбасы балаларына мектеп сөмкесі толы оқу қажеттіліктерін алып берді. Шара соңында өнерлі жас теміржолшылар балаларға дайындаған тәттілерін  таратып, әннен шашу шашты.

 Сабырхан СЕЙІЛБЕКҰЛЫ, Қызылорда 

Білім күні қарсаңында жер жерде өтіп жатқан қайрымдылық шараларынан күзет қызметінің жігіттері де тыс қалған жоқ, 100-ден астам балаға мектеп құралдарын сатып алып берді. «Әскерилендірілген темір жол күзеті» АҚ-ның  Ақтөбе қаласындағы филиалы кәсіподақ ұйымынынң мұрындық болуымен материалдық жағынан аз қамтылған әлеуме,ттік жағдайы төмен отбасылардың балаларына көмек жасап, биыл мектеп табалдырығын аттайтын 118 балаға оқу құралдары толтырылған сөмкелер сыйға тартты.  Филиал директоры Талғат Сисеннің хабарлауынша, күзет қызметі бүлдіршіндердің болашағы жарқын болып, биіктен көрінуіне сәл де болса септігін тигізссек деген ойда.  «Оқу – инемен құдық қазғандай» демекші, әрбір адам баласы білімді боп ып тумайды. Оны білімді ететін мектеп қабырғасы, сосын әрбір бүлдіршіннің  қоршаған ортаға деген сүйіспеншілігі мен наным-түйсігі арқасында көкірек көзінің ояу болуы – адами құндылықтардың басты міндеті», – дейді ол.

Бекбол Құлдан, Ақтөбе

 
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Теміржолшылардың қажырлы еңбегі: Арал станциясының көрсеткіштері
Аймақтар
15.09.2025
Матай станциясында локомотившілердің демалыс үйі күрделі жөндеуден өтті
Әлемде
15.09.2025
Alstom Польшаға арнап екіқабатты электр пойыздарын жасайды
Әлемде
15.09.2025
Ресей Арктикадағы теміржол желісін дамытуға ниетті
Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет