ҚТЖ-да көктемгі комиссиялық тексеру басталды
«ҚТЖ» ҰК» АҚ филиалдары мен еншілес ұйымдарында көктемгі комиссиялық тексеру басталды, деп хабарлайды Rail-news.kz.
26 наурыздан 23 сәуірге дейін тексеру оңтүстік және батыс өңірлерінде өтеді. ШҚО-ның солтүстік және шығыс аймағында 13 сәуір мен 12 мамыр аралығында жүргізіледі.
Тексеру инфрақұрылымды тасымалдаудың жазғы кезеңіне дайындау шеңберінде жүргізіледі. Тексеру барысында жылжымалы құрамның, жол мен инфрақұрылымның техникалық жай-күйі, сондай-ақ объектілердің және техникалық құралдардың жай-күйі бағаланады.
Бұл жұмыс пойыздар қозғалысы қауіпсіздігін арттыруға, еңбекті қорғау, техника және өрт қауіпсіздігі талаптарын сақтауға бағытталған. Жұмысшылардың еңбек жағдайларына ерекше назар аударылады.
Өңірлерде комиссиялар құрылып, кестелер бекітілді, мамандардың шығуы қамтамасыз етілді.
Сондай-ақ пойыздар қозғалысы қауіпсіздігін және теміржол инфрақұрылымының тұрақты жұмысын қамтамасыз етуге бағытталған су тасқынына қарсы іс-шаралар жүргізілуде. Су басуға бейім учаскелерде өткізу құрылыстарын тазарту, жер төсемін нығайту жүргізіліп, су деңгейі мен жолдардың жай-күйін тәулік бойы бақылау ұйымдастырылады. Жедел бригадалар құрылып, ықтимал тәуекелдерге уақтылы ден қою үшін қажетті техника дайындалды.
Ықтимал су тасқынына жедел ден қоюға және пойыздар қозғалысы қауіпсіздігін қамтамасыз етуге арналған 45 шайып кетуге қарсы пойыздар тұрақты дайындықта тұр. Арнайы құрамдар қажетті техникамен және инертті материалдармен жабдықталған.