Жол қорыған жолшылар
Жаңалықтар
15.06.2018, 17:33
![](https://rail-news.kz/uploads/posts/old/railnews5bc496efa9b595.41948662.jpg)
Қызылорда ЖТ бөлімшесінің солтүстік нүктесіндегі Сексеуіл-Қоскөл жаңа телімі бойымен жылжымалы құрамдар жүре бастағалы мұндағы жол күтімін жасаушы Сексеуіл жол дистанциясы жолшыларының жұмысы жандана түскен.
Телімнен өткізілетін жүк пойыздары сағатына 60 км жылдамдықпен, ал жолаушылар құрамы сағатына 80 км жылдамдықпен жүргізілгенмен қараусыз малдың жолға шығып кетуінен тепловоз машинистерінің жедел тежегіш қолдануы уақыт өткен сайын азаюы былай тұрғай, артып келеді. Әрине, дистанция жұмысшылары мүмкіндігінше профилактикалық жұмыстар жасауда, дегенмен жолшылардың «бас ауруына» айналған мәселе оңалар емес. Жағдайды түзету үшін жергілікті әкімдіктерге хат жолданып, жергілікті бұхарамен түсіндіру шаралары жасалып, жол бойын жағалай қоршау салу жұмыстары қат-қабат жүргізілуде.
– Жол жағалай жайылған төрт түлік малдан жолды қору деген қосымша жұмыс жолшылар мойнына артылғалы қашан. Жергілікті тұрғындармен, әкімдіктермен кездесіп, арнайы жұмыс топтарымен, құқық қорғаушылармен бірігіп рейд те жүргізілуде, алайда нәтижесі өзгеріссіз қалып отыр, – дейді Сексеуіл дистанциясының жол инженері Бауыржан Төлегенов.
Сексеуіл-Жезқазған жаңа телімі бойымен «Қызылорда-Жезқазған» жолаушылар пойызы мен «Сексеуіл-Қоскөл-Жезқазған» қала маңы пойызы 80 шақ/сағ жылдамдықпен жүріп жатыр. Бір-екі бекеттен өзге маңда тұрғындар кездесе бермейтін телім бойына қауіп иесіз жайылған мал ғана болып саналады. Жол бойына шығып кеткен малды баспас үшін машинистер оқыс тежегіш беріп тоқтауға мәжбүр, соның салдарынан жүк және жолаушылар пойызының кестесі бұзылып, қыруар қаржы шығынын тартуда.
– Біздің басты міндетіміз – жолда пойыздардың қозғалыс қауіпсіздігін қамамасыз ету. Бізге Қызылорда темір жол бөлімшелеріне қарасты Сексеуіл пайдалану локомотив депосынан жолдағы малға шұғыл тежегіш беріп, тоқтағандары жөнінде көптеген жеделхаттар келуде. Малды басып кету салдарының материалдық шығыны, жолдан шығып кету жағдайы болғанда, локомотив пен вагон зақымданса, пойыздар жүрісіне кедергі жасап ұстаса, ҚР «Әкімшіліктік құқық бұзушылық» туралы Кодексінің 559-бабы 1- тармағына сәйкес 5 айлық есептік көрсеткіш көлемінде айыппұл салынатынын халықтың құлағына құйып тастағанбыз, бәрі де хабардар, бірақ айтатын уәждері: төрт түлігінің соңынан жүруге ешқайсысында уақыты жоқ, құдай сақтасын, сосын әрине, басып кеткен жағдайда «менікі емеспен» құтылады, – дейді Сексеуіл дистанциясының жол инженері Бауыржан Қайрақбайұлы.
Осыдан біраз уақыт бұрын дистанция басшысы Мәжит Құрманбаевтың басшылығымен телім бойындағы Қарақұм ауылында жергілікті тұрғындармен жиын өтіп, оған тұрғындармен бірге ауыл ақсақалдары да арнайы шақырылып, ауыл әкімімен бірге иесіз малдың теміржол бойында жүргізілмеуі ескертіліп, тығырықтан шығу жолы қарастырылған, мысалы, ауыл малын бағатын бақташы шығару сөз болған. Дәл осындай жиын Шижаға елді мекенінде де өткізіліп, телеграммалық нұсқамалар негізінде рейд ұйымдастырылыпты. Сонымен қатар осы ауылдағы орта мектепте «Теміржолды арнайы жол белгілері арқылы өту» және «Теміржол – қауіпті аймақ» тақырыбында ашық сабақ өткен.
– Жыл басынан бері бірнеше акция өткізіліп, арнайы рейд ұйымдастырылды, жергілікті тұрғындармен түсіндіру жұмыстары тұрақты жүргізілуде. Жыл басынан бергі бес ай ішінде телім бойымен жүрген пойыздардың машинистері 9 рет жедел тежегіш қолданғаны анықталып отыр, – дейді Бауыржан Төлегенов.
Сабырхан СЕЙІЛБЕКҰЛЫ, Қызылорда
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді