ҚазККА-ның басына бұлт төнді ме?

Жаңалықтар
22.10.2020, 19:43
Динара Желдібаева

Білім және ғылым министрлігі елімізде жауыннан кейінгі саңырауқұлақтай қаптап кеткен жоғары оқу орындарының білім беру сапасын қатаң тексеруден өткізіп, лицензиясынан айыруды қолға алғанына талай жыл. «Қара тізімге», өкінішке орай, 90 жылдық тарихы бар және теміржол саласына негізгі мамандарды дайындайтын бірден-бір оқу орны М.Тынышбаев атындағы Қазақ көлік және коммуникация академиясы да ілініп отыр... 

ҚР БҒМ-нің Білім және ғылым саласындағы сапаны қамтамасыз ету комитеті жасаған мәлімдемеге қарағанда, жыл бойы Академияда жоспарлы және жоспардан тыс тексерулер жүргізіліп, бірқатар заң бұзушылықтар анықталған. Атап айтқанда, оқу процесі профессорлықоқытушылық құраммен, өндірістік практика базаларымен, оқу, оқу-әдістемелік және ғылыми әдебиеттермен қамтамасыз етілмеген. Нәтижесінде Академияның білім беру бағдар-ламасы жұмыс берушілердің талаптарына сәйкес келмейді деген. Сонымен қатар, Білім және ғылым министрлігіне осы университетте «оқыған» шетелдік студенттер де шағымданған. Олар оқу ақысын төлесе де, іс жүзінде Академияда оқымаған болып шыққан. 

БҒМ Білім және ғылым саласындағы сапаны қамтамасыз ету комитетінің төрайымы Гүлзат Көбенова бірінші кезекте студенттердің сапалы білім алу құқықтары мен мүдделері ескеріледі.

Білім алушылар сол қаладағы басқа жоғары оқу орындарына грантын сақтай отырып ауыса алады, сондайақ ақылы негізде оқығандар үшін оқу құны артпайды дейді.

Алайда, академия басшылығы министрліктің шешімімен келіспейтіндерін жеткізді. Өткен аптада БАҚ өкілдерін шақырып, қалыптасып отырған жағдайды түсіндірді.

Оқу орны басшылығының сөзіне қарағанда, министрлік оқу процесін ұйымдастыруға қойылған талаптарды уақытынан кешігіп берген. Академия проректоры Андрей Иванов:

«Еліміздегі жетекші оқу орнының білім беру қызметін тоқтату мүмкін емес. Біз жоспарлы және жоспардан тыс тексеру барысында анықталған кемшіліктерді биыл ақпан айында жойдық. Бұл фактіні БҒМ комиссиясы растады. Барлық көрсеткіш талапқа толық сәйкес келеді. Оған бірталай рейтингте көш бастап тұрғанымыз дәлел. Қазіргі кезде КазККА мен практикалық базалары кәсіпорындары арасында 300-ден астам шарт жасалған. Олардың ішінде «Қазақстан темір жолы» ҰК» АҚ, «Транстелеком» АҚ, «Қазақтелеком» АҚ т.б ірі мекемелер бар. Өткен оқу жылында 1189 түлек бітірсе, оның 71 пайызы жұмысқа орналасты. Еңбек нарығында біздің мамандарға сұраныс жоғары», – деді.

Сондай-ақ, проректор «материалдық базаның сапасы сын көтермейді» деген пікірмен де келіспейді. «Кітапхана қоры біліктілік талаптарының шартына сәйкес келеді. Оқу-әдістемелік әдебиетпен 100 пайыз қамтамасыз етілген. Қорда миллионға жуық кітап бар, ал электронды қор 5 мыңнан астам», – деген мәлімет келтірді.

Ал оқу орнында профессорлықоқытушылық құрам саны – 266. Оның ішінде ғылым докторлары – 20, ғылым кандидаттары – 113, PhD докторлары – 15. Бұдан бөлек аккредиттеу және рейтингтің тәуелсіз агенттігі (АРТА) жүргізген жоғары оқу орындарының ұлттық рейтингі бойынша ҚазККА 13-ші орында тұр. Тағы бір мәселе – академияда оқымаған студенттердің орнына шетелдік студенттердің ақы төлеп оқығаны туралы ақпарат та шындыққа сәйкес емес, шетелдік студенттерге ақшаны қайтаруға байланысты мәселені шешу үшін дер кезінде шара қабылданған, алайда, індеттің өршуіне орай оқу процесінің қашықтан оқуға көшуіне байланысты түйткілдер туындады. Сондықтан министрлік айтқан шағымда ешқандай негіз жоқ, деп уәж айтты ҚазККА өкілдері.

Қысқасы, басшылық оқу орнын сақтап қалуға күш саламыз деп отыр. Қалай болған күнде де ертеңгі сала мамандары деп үміт еткен 6 мың студенттің жағдайы теміржолшыларды да алаңдатары анық.

Инфрақұрылым
28.06.2025
Елімізде теміржол желісіне ауқымды жаңғырту жүргізуде
Жаңалықтар
27.06.2025
Варшавада ТХКБ дамыту жөніндегі жұмыс тобының отырысы өтті
ҚТЖ келбеті
27.06.2025
Вагон қозғалысын реттеушілер жайлы бір үзік сыр
Инфрақұрылым
27.06.2025
Маңғыстау теміржолы күрделі жөндеуге күш салуда
ҚТЖ келбеті
27.06.2025
Қырық жыл кешіккен шындық
Әлеумет
27.06.2025
Балалар жазы көңілді
Инфрақұрылым
27.06.2025
Теміржол жөндеу жұмыстары қарқынды жүріп жатыр
Жаңалықтар / Мұрағат
27.06.2025
Қазақстан теміржолшысы газеті, №49 27 маусым 2025 жыл
Әлемде
26.06.2025
Қытай темір жолдары биыл 1,86 млрд жолаушы тасымалдап, жаңа рекорд орнатты
Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан