Қолайсыз ауа райы кезінде КТЖ электр пойыздарымен шамамен 320 жолаушы тасымалданды

Қолайсыз ауа райы жағдайларына және бірқатар автомобиль жолдарының жабылуына байланысты ҚТЖ электр пойыздарында қосымша шамамен 320 орын ұйымдастырды. Аталған жедел шаралар жолаушыларды уақытылы және қауіпсіз тасымалдауға бағытталды, деп хабарлайды Rail-news.kz.

Осылайша, 2025 жылғы 30 желтоқсанда Ұлттық тасымалдаушы төмендегі бағыттар бойынша 320-дан астам жолаушыны қосымша тасымалдады:

•          Шідерті станциясынан Астанаға №7509 пойызымен — 43 жолаушы;

•          Ерейментау станциясынан Астанаға №7509 пойызымен — 24 жолаушы;

•          Астана станциясынан Павлодарға №7502 пойызымен — 50 жолаушы;

•          Көкшетау станциясынан Астанаға №6830 пойызымен — 28 жолаушы;

•          Бурабай курорты станциясынан Астанаға №6830 пойызымен — 16 жолаушы;

•          Қарағанды станциясынан Астанаға №7553 пойызымен — 13 жолаушы;

•          Астанадан Қарағандыға №6858 пойызымен — 49 жолаушы;

•          Макинка станциясынан Астанаға №6830 пойызымен — 7 жолаушы;

•          Ақкөл станциясынан Астанаға №6830 пойызымен — 6 жолаушы;

•          Аршалы станциясынан Астанаға №7553 пойызымен — 7 жолаушы;

•          Қарағанды станциясынан Астанаға №7556 пойызымен — 65 жолаушы;

•          Көкшетау станциясынан Астанаға №7508 пойызымен — 15 жолаушы.

Қолайсыз ауа райы жағдайларында теміржол көлігі ең сенімді әрі қауіпсіз қатынас түрлерінің бірі болып қала береді. Ұлттық тасымалдаушы жолаушылардың қауіпсіздігі мен жайлылығын қамтамасыз ету үшін барлық қажетті шараларды қабылдауды жалғастырып, азаматтарды сапарларын жоспарлау кезінде ауа райы жағдайларын ескеруге шақырады.