«Танкист-машинист» атанған теміржолшы

ҚТЖ келбеті
14.02.2023, 10:00
Суретті түсірген автор
Шахида Жұман

Маңғыстау облысы бойынша меншікті тілші

Маңғыстау локомотив пайдалану депосының машинисі Асылбек Наурызбаевтың жанама аты – «танкист». Себебі, өз сөзімен айтқанда, осы жасында темір тұлпардың түр-түрін тізгіндеген.

Кешегі кеңес идеологиясы туғызған ауған соғысында интернационалдық борышын өтеу деген атпен жат елге аттанған боздақтар қатарында біздің кейіпкеріміз де бар еді. Әлі күнге жан жарасы жазылмаған ауған соғысының ардагері жыл сайын 15 ақпанда қаруластарымен кездесіп, өткенді еске алып, құрбан болғандарға құран оқытады. «Қанша жыл өтсе де ауған алауы жадымызда тұр, танкист болдым, талай рет жауынгерлік операцияларға қатыстық. Жеңіл контузия да алдым. Емделіп, қайта міндетімді жалғастырдым. Біз ғой аман-есен елге оралдық, қанша боздақ жат елде жан тапсырғаны жанымды ауыртады», – деп еске алады «танкист-машинист» атанған теміржолшы.  

1969 жылы Қарақалпақстанда дүниеге келген ол теміржолдағы жұмысын 1990 жылы көрші елдегі Жаслық локомотив депосында слесарь болып бастапты. Екі айдан соң деподағы оқу курсынан өтіп, машинист көмекшісі болып ауысады. Кейін Ташкент қаласында бір жылдық машинист курсында оқып, машинист куәлігін алады. Қазақстан темір жолындағы еңбек жолын 2002 жылы Маңғыстауға қоныс аударғаннан кейін Маңғыстау локомотив пайдалану депосына көмекші машинист болып бастайды.  

– Мектепті бітіріп 1987 жылы ел қатарлы әскерге кеттім. Түркіменстанның Тәжен қаласында алты айлық әскери дайындықтан өттік. Сол жерде полк командирінің бұйрығымен әр ротадан 35 баладан таңдап, Ауғанстанға аттандырды. Ташқорған қаласына бардық. 65 753 полкінің танк батальонында қызмет еттім. Ол Айбат қаласында тұрды. Мен сонда танк жүргіздім. Әрі атқыш, әрі танк командирі болдым. Соғыс, оның үстіне жат елдегі соғыс кімге керек, 15 ақпанда кеңес әскері Ауғанстанды тастап шыққанда қатты қуандық, – дейді Асылбек аға.  

Айтуынша, әскерде ауыр техника тізгіндеген тәжірибесі елге келген соң тепловозды лезде игеріп кетуіне әсер еткен. «Әрине, танк жүргізу бір бөлек те, тепловоз тізгіндеу бір басқа. Соғыс құралы болғандықтан ол жер таңдамайды, жүре бересің төтелеп. Тепловозда тек қос рельс жолмен жүресің. Алғашқы ұстазым, қазір Бейнеу айналым депосында машинист нұсқаушы Өміржан Бейсеновтен көп нәрсе үйрендім», – дейді кейіпкеріміз.  

Асылбек Қобланұлының ұлы Самат та машинист. Өзімен бір депода еңбек етеді. Өсіп келе жатқан немерелер де болашақта ата кәсібін, машинистер әулетінің еңбек жолын жалғастырады деген сенімде.  

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады