Машинист мәртебесі

ҚТЖ келбеті
15.08.2019, 11:28
Қуаныш Қожаев

Абай облысы бойынша меншікті тілші

Тура тоқсан жыл тарихы бар Аягөз локомотив пайдалану депосы машинистердің кәсіби ұстаханасы десек, артық емес. Осы даңқты деподан түлеп ұшқан талай теміржолшылар алды бүгінде ұлттық компанияда, еліміздің өзге деполарында басшылық қызметте жүр. Дегенмен, аталар жолымен атамекенде еңбек етіп, машинист деген абыройлы атқа кір келтірмей, үздік қызметімен танылып жүргендер де баршылық.

Аягөз локомотив пайдалану депосының тепловоз машинисі Өнербек Қожақымбаев сонау 1980 жылдың желтоқсан айында тепловоз кабинасына еңкейіп кіргені әлі есінде. Бұл – төрт ай тепловоз машинисінің көмекшісін даярлайтын оқу курсына барған кезі. Көп ұзамай-ақ депода дублер болып жұмыс істеп бастады. Міне, содан бергі аралықта оның еңбек кітапшасында тек бір ғана мекеменің атауы жазулы тұр. Ол, әрине, Аягөз локомотив депосы. Қазіргі күні Ақтоғай-Аягөз, Аягөз-Шар телімдері бойында тепловоз тартымы қызметін атқарып отырған депоның маңдайалды мақтаулы машинистерінің бірі.

– Өндірістік тәжірибенің берері сол, пойыздардың қозғалыс қауіпсіздігін сақтауда қырағылық қалыптасады. Өнербек Советұлы – күрделі өндірістік мәселелерде ұтымды шешім қабылдауға аса қабілетті маман, – дейді депо басшылығы ол туралы.

Технологиялық және еңбек тәртіптерін қатаң сақтайтындықтан барлық тапсырмаларды дер кезінде әрі сапалы орындайтын машинист жас мамандарға тәлімгер болып бекітілген. Бүгінгі күнге дейін 2 тепловоз машинисі мен 4 машинист көмекшісін ерінбей-жалықпай үйретіп шығарыпты.

Өнербек Советұлының кәсіптік машығы сан түрлі. Мәселен, ағымдағы жылдың 1 қаңтарынан бастап жарты жыл ішінде 3211 кг тепловоз жанармай үнемдепті. Оған да шеберлік керек әрине. Бөлімше бойынша бұл рекордты жаңалаған ешкім жоқ. Осы мәселені ескерген Семей ЖТ бөлімшесінің басшылығы озат машинистің тәжірибесін оның өзге әріптестеріне, әсіресе жастар қауымына үлгі етуде.

Бір бұл емес, бүгінгі күні жолаушылар және жүк тасымалы жоспарын орындауда да жоғары көрсеткіштерге қол жеткізіп отыр. Бұл – жылдағы дағдысы. Мәселен, оның техникалық жылдамдықтың орындау көрсеткіші, учаскелік жылдамдық, сондайақ, оның жетекшілігіндегі локомотив бригадасының тасымалдау жұмысының көлемі әрдайым 100-120дан жоғары пайызды құрайды.

Тепловоз машинистері үшін жүктелер тағы бір үлкен жауаптылық – темір тұлпардың техникалық пайдалану ережелерін мүлтіксіз орындау, өзіне бекітіліп берілген көліктің ақаусыз, қалыпты жұмыс істеуін қадағалау. Бұл ретте Аягөз локомотив пайдалану депосында дәл Өнербек Советұлы тәрізді маман жоқтың қасы дейді әрептестері. Өзі жүргізетін темір тұлпардың «құйрық-жалын» сүзіп, жолға шығар алдында «жүйрікті бәйгеге жаратқандай» өзі баптайды екен. Тіпті, техникалық жөндеу ісінің де кәнігі шеберіне айналған. Оған мысал жетерлік. Май құбыры жарылған тепловоз ақауын дер кезінде байқап, жедел қалпына келтіріп, үлкен келеңсіздіктің алдын алғаны бар. Сол тәрізді жол үстінде ірі қара үйірін қағып кетудің де сан мәрте алдын алды. Ондай шұғыл тежелу сәттерінде тепловоз дөңгелегінің рельске түсер үйкеліс күшін азайту үшін мейлінше шеберлік танытады.

Әрдайым өзгелерден оқ бойы озық жүру оның өмірлік ұстанымы сияқты. Ештеңені жоспарлап алға ұмтылмаса да солай шығады. Ал Өнербек Советұлының көзбояушылыққа жаны қас, мақсатым – адал еңбек ету, өзімнің жұмыс орным – тепловоз кабинасында өткізген әр сағатым қымбат дейді. 

Жаңалықтар
27.05.2024
Масаң күйдегі Ресей азаматы жолаушылар пойызынан түсіріліп, 100 мың теңге айыппұл арқалады
Жаңалықтар
27.05.2024
«Саламатты Қазақстан» пойызы Құлсары қаласына келді
Станция тынысы
27.05.2024
Арыс станциясы биыл жүз мың вагонға қызмет көрсетті
Әлеумет
27.05.2024
«Саламатты Қазақстан» пойызы Маңғыстау тұрғындарын қабылдады
Жаңалықтар
27.05.2024
Жоғары сынып оқушыларына көлік саласы бойынша бағдар берілді
Жаңалықтар
24.05.2024
Немістердің Deutsche Bahn (DB) компаниясы ҚТЖ пойыздарындағы сервис пен қызметтерді жақсартуға көмектеседі
Жолаушылар тасымалы
24.05.2024
ҚТЖ әйелдер вагондарын тағы үш бағыт бойынша іске қосады
Жаңалықтар
24.05.2024
«KTZ Express» АҚ және Global DTC ТХКБ цифрлық дәлізді іске қосады
Әлеумет
24.05.2024
Ақтөбе рельс-арқалық зауыты су тасқынынан зардап шеккендерге көмек берді
Аймақтар
24.05.2024
Мектеп түлектеріне кәсіби бағдар берілді (Фото)
Әлеумет
24.05.2024
Мамандық таңдау – маңызды қадам
Инфрақұрылым
24.05.2024
Қызылордада жол жөндеу жұмыстары қызу жүріп жатыр
Жаңалықтар / Мұрағат
24.05.2024
«Қазақстан теміржолшысы» газеті, №44 24 мамыр 2024 жыл
Жолаушылар тасымалы
23.05.2024
Қызылордадан алғаш рет Алакөлге тікелей пойыз қатынайды
Жолаушылар тасымалы
23.05.2024
Кондиционері бар жайлы вагондар. Ұлттық тасымалдаушы вагон паркін қалай жаңартып жатқанын айтты
Жаңалықтар
23.05.2024
ҚТЖ және PSA Қазақстанның көлік-транзиттік әлеуетін дамыту бойынша өзара іс-қимылды күшейтеді
Жаңалықтар
23.05.2024
Президент Сингапур елін Транскаспий дәлізін пайдалануға шақырды
Спорт
23.05.2024
Семейде теміржолшылар арасында волейболдан турнир өтті
Аймақтар
23.05.2024
Локомотивтер көктемгі байқаудан өтіп жатыр
Аймақтар
23.05.2024
Разъездегі ескі нысандар модульді ғимаратқа ауысып жатыр