Белкөл станциясында аспалы көпір салынып жатыр

Қауіпсіздік
03.02.2023, 09:15
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Қызылорда теміржолының Белкөл станциясында жаяу жүргіншілерге арналған аспалы көпір құрылысы қарқынды жүріп жатыр. Ақпан айында пайдалануға беріледі деп жоспарланған нысанның негізгі жұмыстары аяқталып та қалған.

Санаулы күндерден соң көп жылдардан бері шешімін таппай келе жатқан мәселеге нүкте қойылып, жергілікті халық су жаңа заманауи құрылыстың игілігін көретін болады. Бұл жайында Қызылорда магистральдық желі бөлімшесінің жол бөлімі басшысы Сағатбек Тумырзаев мәлімдеп, құрылыс жұмыстарының қарқынымен таныстырды.  

– Теміржолдан әрі-бері өтетін жаяу жүргіншілерге арналған көпір салу – қауіпсіздік саласындағы өзекті мәселенің бірі. Белкөл станциясының жұп паркінде салынып жатқан көпірдің пайдалануға берілуі болашақта қауіпсіздікті қамтамасыз етуге үлес қосады деген сенімдеміз, – дейді жол бөлімінің басшысы.  

Бұған дейін де бірнеше жерде көпір салған «Golden City DS» серіктестігінің тәжірибелі құрылысшылары ұзындығы 110 метрлік металлконструкциялы аспалы көпір құрылысының басым бөлігін бітіріп, сәл күнде косметикалық жұмыстарға кіріспек.

– Металлконструкциядан салынатын, іргетасы темірбетоннан тұратын көпір құрылысы, міне, аяқталуға жақын. Мүмкіндігі шектеулі жүргіншілердің бұл маңнан кідіріссіз өтуі үшін көпірдің екі басында жеделсаты орнатылды, қапталында темір қоршаулар тұрғызылып жатыр, жалпы құрылыс жақын күндерде аяқталып, көпір пайдалануға беріледі, – дейді жұмысты басқарып жүрген учаске бастығы Семсербек Тілеубаев.  

Жалпы бөлімше бойынша 7 станцияда жаяу жүргіншілерге арналған көпір салынған. Қызылорда магистральдық желі бөлімшесінен алынған мәліметке сенсек, биылғы жылы осындай көпір Қызылорда – Белкөл жол аралығының 2824 шақырымы 9 пикетінде, айтыла беретін қаланың Шұғыла-КБИ шағын аудандары тұсында, Арал қаласында және Жалағаш кентінде де салынып қалуы ықтимал. Сонымен қатар бөгде адамдардың теміржолды кесіп өтуіне тосқауыл болатын тор қоршаулар Қазалы, Жосалы және Қызылорда станцияларында орнатылған. Иесіз малға қарсы сымды қоршаумен жол бойының 898,65 шақырымы қоршалған. Өткен жылы 90 шақырым қоршау жаңадан салынса, ағымдағы жылы телімдердің 102 шақырымына малға қарсы қоршау салу жұмыстары жоспарланып отыр.  

 

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды