Темір жолдың су тасқыны қаупі бар учаскелерінде тәулік бойы кезекшілік ұйымдастырылды
Теміржолшылар станциялар мен аралықтарда, сондай-ақ өзендер мен су қоймаларына жақын орналасқан жол учаскелерінде су тасқыны жағдайына тұрақты мониторинг жүргізуде, деп хабарлайды Rail-news.kz.
Теміржол көлігі қызметкерлерінен тәулік бойы кезекшілік ұйымдастырылып, темір жол бойында орналасқан 673 ықтималдығы қауіпті орындарды барып бақылау жүргізілуде. Су тасқыны қаупі бар учаскелерде пойызды жүргізу ережелері туралы локомотив бригадаларымен қосымша нұсқаулар өткізілді.
Теміржолшылар алдын ала тасқын суларды өткізуге дайындық жүргізді. Көпірлер, су өткізгіш құбырлар, дренаждық құдықтар қардан, мұздан және қоқыстан тазартылып, таулы және су бұрғыш арықтар, науалар мен ойықтар аршылды. Оба, Тентек, Селеті және т.б. өзендерде мұзды ұсақтау бойынша бұрғылау-жару жұмыстары жүргізіліп, аумақтық ұйымдармен бірлесіп 83 бөгет пен су қоймалары тексерілді.
ҚТЖ желісінде штаттан тыс жағдайларға дереу ден қою үшін 45 шайып кетуге қарсы пойыз толық дайындықта тұр. Вагондар барлық қажетті құралдармен және материалдармен жабдықталған. 2650 текше метр кесек тастар, 8 мыңнан астам кондициялық емес шпалдар дайындалды.
