Теміржолшылар тасқынға тосқын жасауда

Қауіпсіздік
02.04.2024, 11:24
Сұлугүл Бакесова

«Қазақстан теміржолшысы» газетінің тілшісі

Қазақстанның батыс және шығыс, солтүстік облыстарының біраз бөлігін қарғын су басып, тұтас елдімекендер, тұрғын үйлер мен маңызды ғимараттар, мал-мүлік тілсіз жау құрсауында қалды. Ел басына күн туған қиын-қыстау күндері теміржолшылар жұмысы күшейтілген режимге көшіріліп, қауіпті телімдер жіті бақылауға алынды.

Магистральдық желі дирекциясына қарасты Жол және жасанды құрылыстар департаментінің мәліметінше, дәл бүгінгі таңда теміржол магистралін су басқан дерек жоқ, пойыздар қозғалысына қауіп төніп тұрған жоқ. Бұл ең алдымен ҚТЖ-да жыл сайын көктемгі су тасқынына әзірлік кешенді түрде және тиянақты жүргізіледі десек, қателеспейміз.  

– Темір жол бойында 670-тен астам қауіпті орындар бар, олардың бәрі ертеден ерекше бақылауға алынып, су бұру жолдары, көпірлер, бөгеттер, су қоймалары мен өткізгіш құбырлар, дренаждық құдықтар қар мен мұздан тазартылды. Жылдағыдай су шайып кетуге қарсы 45 пойыз жасақталды. Вагондар барлық қажетті құралдармен және материалдармен жабдықталып, 2650 текше метр кесек тастар, 8 мыңнан астам кондициондық емес шпалдар тиелген. Пойыздардың тәулік бойы кезекшілігі ұйымдастырылған, олар темір жол зақымдалған жағдайда тез қалпына келтіріп, пойыздардың қауіпсіз өтуін қамтамасыз етуге сақадай сай тұр. Станциялар мен аралықтарда, сондай-ақ өзендер мен су қоймаларына тікелей жақын орналасқан жол учаскелерінде су тасқыны жағдайына күнделікті мониторинг жүргізілуде, – дейді Жол және құрылыстар департаментінің менеджері Ардақ Төлеуғалиев.  

Теміржолшылар тасқынға тосқын жасаудың барлық әрекетін жасауда. Көпірлер, су өткізгіш құбырлар, қар-мұздан және қоқыстан тазартылып, таулы және су бұрғыш жыралар, науалар мен кюветтер аршылған. Бірқатар өзендерде мұзды ұсақтау бойынша бұрғылау-жару жұмыстары жүргізіліп, 83 бөгет пен су қоймалары тексерілген. Ақтөбенің Жем станциясына іргелес жатқан жеке меншік темір жолды су шайған. Ал Жем станциясының өзінде судың жиналуы байқалмайды. Қарағанды облысының Ақсу-Аюлы аумағында қардың қарқынды еруіне байланысты Шерубай-Нұра өзені ернеуінен тасып, «Екатеринбург-Алматы» тас жолы уақытша жабылды. Осыған байланысты «Жолаушылар тасымалы» АҚ Қарағанды облысының тұрғындарын эвакуациялауды ұйымдастырды. Халықты тасымалдауды қамтамасыз ету үшін бір рейс жолаушылар пойызы шығарылып, бірнеше жолаушы пойыздарына қосымша вагондар тіркелген. Нәтижесінде су басқан аймақтардан 1200-ден астам тұрғын қауіпсіз аумаққа тасымалданған. «ҚТЖ» ҰК» АҚ-да арнайы штаб құрылып, жағдайды бақылауда ұстап отыр.

 

Жаңалықтар
19.04.2024
“БКЛК” АҚ серіктестігі: ынтымақтастықты нығайту, теміржол логистикасын дамыту
Аймақтар
19.04.2024
Маңғыстау вокзалы үлкеюі мүмкін
Жаңалықтар
19.04.2024
ҚТЖ өкілдері ТЖЫҰ басқарушы органының отырысына қатысты
Жаңалықтар
19.04.2024
Қазақстан мен Түркия аралас жүк тасымалын дамыту жөніндегі бірлескен комитет құрады
Аймақтар
19.04.2024
Маңғыстаулық өрт сөндіру пойызы дайындықтарын пысықтады
Әлеумет
19.04.2024
Су тасқынынан зардап шеккен теміржолшылар отбасы назардан тыс қалмайды
Жаңалықтар
19.04.2024
Теміржолшылар мемлекеттік тілден тест тапсыруда
ҚТЖ келбеті
19.04.2024
Мемлекеттік тілге деген сұраныс артып келеді – тренер
Инфрақұрылым
19.04.2024
Қызылордада бағыттамалы бұрма ауыстырылды
Жүк тасымалы
19.04.2024
Елімізде тасымалды контейнерлендіру бағдарламасы әзірленіп жатыр
Аймақтар
19.04.2024
Атырау облысында су тасқынымен күрес жалғасып жатыр
Жаңалықтар / Мұрағат
19.04.2024
«Қазақстан теміржолшысы» газеті, №34 19 сәуір 2024 жыл
Цифрландыру
18.04.2024
Көлік министрлігі мен ҚТЖ цифрлық теміржол платформасын құрмақ
Жаңалықтар
18.04.2024
ҚТЖ Алматы-Атырау бағыты бойынша қосымша пойыз тағайындады
Жаңалықтар
17.04.2024
"Самұрық-Қазына" тобы су тасқынына қарсы күреске 15 млрд теңге бөледі
Әлемде
17.04.2024
Alstom Венгриядағы зауытын модернизацияламақ
Инфрақұрылым
17.04.2024
Теміржолда жоспарлы тексеру жүріп жатыр
Әлемде
17.04.2024
Локомотивтер эволюциясы: паровоз алыптарынан қазіргі жүрдек пойыздарға дейін
Жүк тасымалы
17.04.2024
Теміржол көлігімен жүк тасымалдау көлемі 70,7 млн тоннаны құрады
Жүк тасымалы
17.04.2024
ҚХР-ға теміржол арқылы жүк экспорты өсті