Екі жылға созылған іссапар

Темір жол тарихы
08.05.2020, 12:04
Жансая Сыдықбай

Шымкент қаласы бойынша меншікті тілшісі

Соғыс жылдары Украинада маневр диспетчері болған шымкенттік ардагер Абдулла Жұманов биыл 94 жасқа келеді. 8 ұл-қыз тәрбиелеп өсіріп, олардан тараған немере-шөберелерінің арасында бақытты ғұмыр кешіп отырған қария соғысқа да теміржолшы ретінде қатысуымен ерекшеленеді.

– 16 жасымда теміржолға жұмысқа тұрдым. 1942 жылы 2 маусымда Ташкент темір жолының Түркістан станциясында техникалық бақылаушы болып бастадым. 1943 жылы қыркүйекте үш айға курсқа барып, оқып келгесін №31 разъезде кезекші болып жүрген жерімнен Украинаның Киев қаласына іссапарға жіберілдім. Қаланы жау әскерінен босатқан кез. Кеңес әскерлерінің жүріп-тұруын ұйымдастыру үшін теміржолшылар керек болды», – дейді ардагер өткенді еске алып.

Майдан жанындағы оңтүстік-батыс темір жолында қызмет атқарған ардагер Киевтің іргесіндегі Волинск станциясында маневр диспетчері болып станциялық парктер жұмысына жауап береді.

Сол екі жыл тікелей қару алып жаумен соғыспаса да соғыстың барлық қауіп-қатерін бастан кешеді.

Соғысқа қару-жарақ техникаларын, авиацияға қажетті отын, солдаттарға арналған азық-түлік бәрі ашық вагондармен жөнелтілген екен. Күн сайын неміс ұшақтары қаланы бомбалап жатса да теміржолшылар станцияның парктерін, жолдарын реттеп, алыс-беріс қатынастың үзіліп қалмауына күш салыпты.

– Үш күн сайын санитарлық пойыз жаралыларды алып келеді. Оларды Киевтегі әскери госпитальға орналастырады. Немістің ұшағы төбемізден күнара атқылап кететін. Бомбалаудан аман қалсын деп соғысқа қажетті заттардың барлығын жасырып қоятынбыз. Ал ашық вагондармен заттарды жөнелткен кезде оған зенит орнататынбыз. Күніне 3-4 вагон танк, пулемет, т.б. техника, қару-жарақ, тамаққа жарайтын барлық азық-түлікті майданға жөнелтетінбіз. Жұмыс кестеміз ол кезде 12 сағат болды, үш ауысыммен істедік. Бірде станцияға түскен бомбыдан құжаттарым, киімдерім түгел жа нып кетті, – деді ҰОС ардагері.

1945 жылы 1 сәуірде Жұман атаның екі жылға созылған ісспары аяқталып, елге қайтып келіп, Түркістан станциясында кезекші болып жұмысын жалғастырады. 1948 жылы 24 желтоқсанда Түркістан бөлімшесінің пойыз диспетчері болып жоғарылайды. 1949 жылы жаңадан ашылған Арыс бөлімшесіне пойыз диспетчері болып ауысады. 1950 жылдың 1 мамырынан 1963 жылдың тамыз айына дейін Арыс жол бөлімшесі бойынша кезекші қызметін атқарады. 1963 жылы тамызда Алматы темір жолының Шымкент бөлімшесінде пойыз диспетчері, бөлімше бойынша кезекші, аға диспетчердің орынбасары қызметтерін атқарды. 1988 жылдың 9 наурызынан зейнетке шығады. Алайда, зейнетке шықса да Жұман ата Шымкент бөлімшесінің таразы шеберханасында жолсерік қызметін өз еркімен жалғастырып, тағы бірталай жыл еңбек етіп, бас-аяғы теміржол саласына 52 жыл ғұмырын арнаған екен. Жұман ата еңбегіне лайық сый-құрметке де ие болды. Кеңес одағының ең жоғарғы наградасы «Ленин», «Еңбек Қызыл Ту» ордендерімен және «Құрметті теміржолшы» төсбелгісімен марапатталды. Бүгінде оңтүстік жұрты Абдуллаевтарды «теміржолшылар әулеті» деп таниды. Абдуллаевтар теміржолдың әр саласында жемісті еңбек етуде.

Аймақтар
12.03.2025
Кез келгенге бұйыратын бақ емес
Инфрақұрылым
12.03.2025
Шымкент магистральдық желі бөлімшесі биыл 160 км жолды сауықтырмақ
Жүк тасымалы
12.03.2025
Әйелдер қауымы қысқы бақта бас қосты
Әлемде
12.03.2025
Пәкістанда содырлар жолаушылар пойызына шабуыл жасап, 450 адамды кепілге алды
Әлемде
12.03.2025
Қырғызстан Баткеннен Қоқанға дейін теміржол салуды жоспарлап отыр
Жаңалықтар
12.03.2025
ҚТЖ теміржолдағы қауіпсіздік ережесін бұзғандарға жауапкершілікті күшейтуге қол жеткізді
Жолаушылар тасымалы
12.03.2025
ҚТЖ пойыздарында жолаушыларға құрма мен су тегін ұсынылуда
Жаңалықтар
11.03.2025
ҚТЖ-да өткелдердегі бейнеталдау жүйелерінің сынағы аяқталды
Жаңалықтар
11.03.2025
Теміржол төсемінен жоғары барлық су қоймалары мен бөгеттер зерттелді
Әлемде
11.03.2025
RailPulse серіктестігі Wabtec өндірісіндегі борттық датчиктерді сертификаттады
Жүк тасымалы
11.03.2025
2024 жылы Сиань терминалы транзитті 276 мың тоннаға дейін арттырды
Аймақтар
11.03.2025
Соғыс кезінде теміржол салған атыраулық кейуана 100 жасқа толды
Жолаушылар тасымалы
10.03.2025
Автожолдың жабылуына байланысты 300-ден астам жолаушы пойызбен жеткізілді
Жолаушылар тасымалы
10.03.2025
Қолайсыз ауа-райына байланысты пойыздарда қосымша орындар ұйымдастырылды
Жаңалықтар
10.03.2025
Көлік министрі Екібастұз қаласындағы күрделі жөндеуден өткен теміржол вокзалына барды
Жолаушылар тасымалы
09.03.2025
Еліміздің пойыздарында 8 наурыз мерекесіне орай әйелдерге сыйлықтар табысталды
Жолаушылар тасымалы
08.03.2025
Темір жол саласында 1,6 мыңнан астам әйел жолсерік және касса қызметінде еңбек етеді
ҚТЖ келбеті
08.03.2025
Жауапкершілік жүгі жеңіл емес
ҚТЖ келбеті
08.03.2025
Аина және оның командасы
ҚТЖ келбеті
08.03.2025
Отбасында қалыптасқан қасиет