«Саламатты Қазақстан» пойызы Атырау атырабында

Әлеумет
15.09.2023, 09:00
Суреттерді түсірген автор
Қосұйым Мұқашев

Атырау облысы бойынша меншікті тілші

«Саламатты Қазақстан» медициналық емдеу-диагностикалық пойызы Атырауға ат басын тіреді. Аққыстау станциясының басында Исатай ауданының әкімі Полымбет Хасанов денсаулық пойызының мақсатын жергілікті жұртшылыққа түсіндіріп, пойыз жұмысына сәттілік тіледі.

«Саламатты Қазақстан» пойызының бас дәрігері Айнұр Егінбаеваның айтуынша, пойыз өңірдегі алғашқы жұмыс күнін Ганюшкино станциясынан бастапты. Мұнда екі күннің ішінде мыңнан астам адам қаралып үлгерген. «Саламатты Қазақстан» пойызының мақсаты да осы еді, яғни шалғайдағы елді мекендер тұрғындарына арнайы мамандандырылған дәрігерлік қызмет көрсету. 2020-2021 жылдары пандемияға байланысты тоқтап қалған пойыз былтыр жұмысын қайта жандандырған болатын. Медициналық пойыз дәрігерлері шалғай станциядағы теміржолшылар ғана емес, жергілікті тұрғындарды да қолжетімді медициналық қызметпен қамтиды.  

– Жылжымалы құрамда сегіз вагонның төртеуі медициналық вагондар, яғни онда әр түрлі медициналық құралдар мен дәрігер-мамандар бөлмесі бар, мамандар демалатын екі купе вагоны, вагон-мейрамхана және техникалық вагон бар. 11 жолсерік, 2 күзетші, дизельші, сушы мамандар да бар. Купе-вагондарда кондиционер бар, сондай-ақ пойызда душ, кір жуатын машина, тоңазытқыш қойылып, дәрігерлердің жұмыс жасауы және демалуына барлық қолайлы жағдай жасалған, – дейді пойыз бастығы Дінмұрат Валиев.  

Жергілікті тұрғындар терапевт, кардиолог, хирург, лор, гинеколог, окулист, т.б. дәрігерлерге қаралып, зертхана мамандарынан кеңес алады. Сондай-ақ пойызда УЗИ-диагностика, рентгендиагностика және клинико-диагностикалық лаборатория жұмыс істейді. Мамандардың кабинеттері қазіргі заманғы медициналық жабдықтар және дәрі-дәрмектермен қамтамасыз етілген. Дәрігер-мамандар кіші амбулаториялық операциялар да жүргізеді. Биыл Әйелдер және отбасы ұлттық комиссиясы бастамасымен жоба құрамына қосылған психолог, медиатор және заңгер мамандары өңірде болған осы күнге дейін 560 адамға кеңес беріп үлгерген.  

– Медициналық бригадалар құрамында терапевт, педиатр, гинеколог, хирург, ЛОР, кардиолог, невропатолог, офтальмолог, уролог, онколог-маммолог сияқты мамандар жұмыс істейді. Таңғы 9-дан бастап кешкі 6-ға дейін тұрғындарды қабылдау жүргізіле бастады. Барлығы 18 дәрігер бар. Медициналық пойыз кабинеттер ретінде жабдықталған және диагностикалық тексеруге және алғашқы медициналық көмек көрсету үшін қажетті заманауи медициналық жабдықтармен: ЭКГ, УДЗ аппараты, эндоскопиялық жабдық, гематологиялық және биохимиялық анализатор, Мерлин ультрадыбыстық сканері, флюорограф, гастрофиброскоп және басқалармен жарақталған 4 вагоннан тұрады. Аққыстау станциясында түске дейін 300-дей адам келіп қаралды, – дейді бас дәрігер Айнұр Егінбаева.  

Дәрігерлердің айтуынша, негізінен жергілікті тұрғындар қан қысымының жоғарылауы, буын аурулары, сондай-ақ ішек құрылысы, тіс ауруы, көз көру нашарлығы, жүрек ауруларына шағым көп түсіреді екен. Ақ халатты абзал жандар диагностика жасаумен шектелмей, әрі қарай қандай дәрі-дәрмек керегін жазып беріп, қандай ем-дом алуына болатынын да түсіндіруде.  

Аққыстау – аудан орталығы, мұнда сегіз мыңдай тұрғын бар. Ауыл тұрғындарының ішінде тегін медициналық тексеруден өтуге келгендер көп, олардың арасында теміржолшылар да бар. Солардың бірі – станцияның жүк кассирі Әсел Кереева.

– Жыл сайын медициналық пойыз келгенде тексерістен өтіп алуға, білікті мамандарға қаралып, денсаулығымызды түзеп алуға тырысамыз. Мамандардың барлығы бір пойыздың ішінде халыққа қызмет көрсетіп, тұрғындардың денсаулығын барынша тексерістен өткізіп жатыр. Пойыздың нақ осы станцияға келгені – қуанышты жағдай. Дәрігерге қаралуға қол тимей жатады. Ал бұл мүмкіндікті жіберіп алмауға тырысамыз. Дәрігерлердің ауылға келгені жақсы болды, көбі қазір жұмыста, кешке қарай ағыла бастайды, – дейді ол.  

Пойыздың станция басында ыңғайлы жерге қойылып, жан-жақты ем жүргізуіне, қажетті дүниелермен, ауыз су, электр желісі, т.б. қамтамасыз етілуіне жергілікті темір жол басшылығы жағдай жасаған. Атырауға 2 қыркүйекте келген медициналық пойыз аймақта айдың ортасына дейін болады. Аққыстаудан кейін 12-13-і Жамансор, 13- 15-і Мұқыр, 15-17-і Сағыз станциясында тұрғындарды қабылдайды.  

 

Аймақтар
19.10.2025
Орал қаласының вокзалын қайта жаңарту тұрақты бақылауда
Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды