Атырауда Тәуелсіздік күніне орай шағын футболдан жарыс өтті

Атырауда Тәуелсіздік күні құрметіне шағын футболдан өткен жарысты  жергілікті кәсіподақ ұйымдастырды. Оған өңірдегі теміржол мекемелерінен 9 команда қатысты.  

Олар: Атырау локомотив пайдалану депосынан 3-колонна, аппарат және резерв командалары, вагон депосы, Атырау мен Ақжайық белгі беру және байланыс дистанциялары, электрмен жабдықтау және Атырау жол дистанциялары, «Ақжайық-7» ЖШС командалары. Байқағанамыздай, барлығы да турнирге үлкен дайындықпен, жеңісті қолдан бермеуге бекініп келген екен. Оның үстіне футбол – өңірде кең тараған және теміржолшылар сүйіп ойнайтын спорт түрі. Сондықтан ойын да қызықты және тартысты өтті. Тоғыз команда арасындағы тайталас ұзаққа созылды. Қарсыласына ұпай жібермеуге тырысқан ойыншылар намысты қолдан бермеу үшін барын салды. Бір ойында жеңілсе, екінші ойында қарсыласын ойсырата жеңіп, алма-кезек алаңға шыққан командалар арасында қара үзген «Ақжайық-7» командасы жүлделі 1-ші орынды жеңіп алды. Екінші орынды локомотив депосы 3-колоннасы, ал үшінші орынды Атырау байланыс дистанциясының командасы иеленді. Жеңімпаз командалар кәсіподақ атынан кубок, арнайы диплом және ақшалай сыйлықпен марапатталды.