Шар-Өскемен: тұңғыш мемлекеттік-жекешелік әріптестік жобасы

Инфрақұрылым
02.08.2022, 11:02
Қуаныш Қожаев

Абай облысы бойынша меншікті тілші

Өткен ширек ғасыр ішінде Қазақстан темір жолы 2 мың шақырымнан астам жол салды. Соның ішінде елімізде тұңғыш рет мемлекеттік-жекешелік әріптестік аясында іске асырылған жоба – Шар-Өскемен темір жолы экономикалық, геосаяси тұрғыдан да аса тиімділігін дәлелдеді.

Жоба қазығы 2005 жылы 27 тамызда қағылды. Құрылысқа 60-тан аса мердігер компаниялар қатысып, екі мыңға тарта адам еңбек етті. Құрылыс бір уақытта екі жақтан, бір-біріне қарама-қарсы жүргізілген. Өскемен биік жотада орналасқандықтан, тау-тасты қопаруға көп күш жұмсалған. Жалпы ұзындығы 151 км теміржол бойына Шалабай, Екіаша, Айыртау станциялары, Саржал, Борсақ, Қайсенов разъездері, сондай-ақ 15 теміржол көпірі, 4 жол өтпесі, 5 мал өткелі, қар тоқтататын дуалдар салынып, 95-тен астам су құбыры төселді. 

Жаңа жол индустриялы Алтай өңірін қуатты Түрксіб транзиттік магистралімен жалғады. Аймақтың басқа облыстарға ғана емес, шет мемлекеттерге де төтелей шығуына мүмкіндік берді. Сонымен қатар, елдің қиыр шығысы мен Алматының арасын да едәуір қысқартты. Өскеменнен шыққан пойыздар Шар станциясы мен екі араны 3 сағатта еңсереді. Ал ресейлік Локоть станциясы арқылы айналатын ескі маршрут бойынша 12-14 сағат уақыт кететін. Жүк тасымалы жылдамдаған соң бағасы да арзандай түсті. Кедендегі рәсімдеу ісі жеңілдеп, шекара қызметіне де оңтайлылық әкелді. Ең бастысы, жолаушылар шекара кесіп өтетін машақаттан құтылды. Жаңа жолдың іске қосылуы өр Алтайдың ғана емес, бүкіл шығыс халқы үшін тиімді болды. Желі бойындағы шағын ауылдарға жан бітіп, жаңа жұмыс орындары ашылды, үйлер салынды. Шығыс өңірі бұл жобадан тек табысқа кенелді. 

Ал еліміз Шар-Өскемен жолының ашылуы арқасында көрші мемлекетке деген экономикалық тәуелділікті азайтты. Қазір бір жолды желімен «Астана-Нұрлы Жол-Риддер» бағыты бойынша және «Алматы-Өскемен-1» бағытындағы, сондай-ақ Өскемен- Алакөл сынды бірнеше қаларалық жолаушылар пойыздары тұрақты түрде қатынайды. «Dosjan temir joly» АҚ қызмет көрсететін желі бойында тәулігіне 20-дан аса жылжымалы құрам өтеді екен.

– Шар-Өскемен темір жолы жарақтануы бойынша алдыңғы орында. Бұл ең алдымен автоматты бұғаттау жүйесіне қатысты, бұл пойыздардың қозғалыс схемасын айтарлықтай оңтайлан- дырып, қозғалыс қауіпсіздігін арттырады. Теміржол төсеміне параллель оптикалық-талшықты байланыс желісі салынған, бұл пойыздар қозғалысын компьютер арқылы басқаруға мүмкіндік береді, – дейді «Dosjan temir joly» АҚ «Шығыс Қазақстан филиалы» басқарма төрағасының өндіріс жөніндегі орынбасары Нұрлан Әділбаев.  

Қазіргі таңда Шар мен Өскемен станциялары аралығында жалпы саны 400-ден аса теміржолшы еңбек етуде. Көпшілігі – «ҚТЖ» ҰК» АҚ-да еңбек еткен тәжірибелі мамандар. Бізге пікір білдірген Нұрлан Серікжанұлы да Семей ЖТ бөлімшесіндегі қозғалыс шаруашылығының еңбек еткен тәжірибелі теміржолшы. Концессиялық келісімге сәйкес 2028 жылы телім толықтай мемлекет меншігіне өткізілмек.

Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста
Жүк тасымалы / Апта саны
31.03.2025
Теміржолмен жүк тасымалдау екі айда 6,6%-ға өсті
Әлеумет
31.03.2025
Жұмысшы мамандарға сұраныс бар
Аймақтар
31.03.2025
Еңбек адамына құрмет
Әлемде
30.03.2025
«Молдова темір жолын» екі компанияға бөлу ұсынылды