Шығыста 85 шақырым жолға күрделі жөндеу жүргізіледі

Инфрақұрылым
19.05.2023, 10:06
Суретті түсірген автор
Қуаныш Қожаев

Абай облысы бойынша меншікті тілші

Жазғы жол жөндеу жұмыстары Семей магистральдық желі бөлімшесі бойынша басталып кетті және ол мейлінше қарқынды өтуде. Биыл ел шығысында алғаш рет көлемі 85 шақырымды құрайтын күрделі жөндеу жүзеге асырылмақ.

Осыған дейін бірнеше жыл бойы Ақтоғай мен Аягөз, Үшбиік-Қарақойтас станциялары аралығында ауқымды қызу жұмыс жүргізіліп, желі бойы толықтай темірбетонды шпалдарға ауыстырылған болатын. Ол жұмысты Аягөз жол дистанциясы жүргізді. Енді міне биыл бұл «эстафетаны» аягөздіктер Жаңа-Семей жол дистанциясына өткізді. Осылайша, жол шаруашылығының білікті маманы Қанат Абдуғалиев жетекшілік ететін ПЧ-40 мекемесі байырғы Жарма дистанциясына тиесілі аймақта қызу жұмыс жүргізіп жатыр.  

– Биылғы көзделген меже – 68 шақырымды құрайтын телім бойын толықтай жаңалап шығу. Қапанбұлақ пен Нарбота станциялары аралығында үлкен жұмыс жүргіздік. Басты меже – Суырлы қумажолына дейінгі аралықты толық қамтып үлгеру. Әзірге жұмыс барысында ешқандай кедергі жоқ. Араға бір күн салып, көлемі 1 200 шақырым болатын жол табанын жаңалауға мүмкіндік алып отырмыз. Осы қарқыннан жаңылмасақ, ұзамай діттеген межеге жететін боламыз, – дейді Қанат Рысқалиұлы.  

Жуырда жаңасемейлік жолшылар Қапанбұлақ станциясы бойынша үш тәуліктік толаскез алды. Қажетті техника көлемі жеткілікті болғандықтан жоспарлы жұмыс көзделген мерзім ішінде толықтай орындалды. Негізгі жұмыс мердігер компания «Теміржол жөндеу» ЖШС-нің қатысуымен жүзеге асырылуда.

  

Бір ерекшелігі, жолшылар биылғы күрделі жөндеу жұмыстарын аяқтау мерзімін белгілемеген. Себебі қағаздағы есепке емес, сапаға баса мән берілуде.

– Негізгі міндет – 85 шақырымдық жол бойын темірбетонды шпалдарға ауыстырып шығу. Бұл ретте тікелей менің назарға алуыммен телім бойындағы жол өткелдері де жаңартылып, жұмыс техникалық талаптарға сай жүргізілуде, – деп пікір білдірді Семей магистральдық желі бөлімшесінің басшысы Айдын Шәукежанов.  

Айта кетер жайт, шығыстағы теміржолшылар жол сауықтыру шараларын жыл сайын үдетіп келеді. Осыған дейін Аягөз және Семей жол дистанцияларына қарасты телім бойы күрделі жөндеуден өтіп, жолдың балдық сапасы жақсарған. Жалпы, бөлімшеге қарасты барлық телім бойы 2030 жылға қарай толықтай жаңартылып, ағаш шпалдар қолданыстан шығарылатын болады. Қазіргі болжам бойынша бүгінгі күннің өзінде жекелеген қумажолдар бойынша пойыздың қозғалыс жылдамдығын сағатына 60/80-нен 140 шақырым сағатқа дейін арттыру мүмкіндігі бар екен. Бұл – «Тальго» пайызының тек осы телімдегі шекті мөлшері. Семей мен Өскеменнен оңтүстік астана мен елорданы бетке алатын жай жолаушылар пойызының жылдамдығы сағатына 120 шақырымды құраса, жүк пойыздары 80 шақырымдық жылдамдықпен жүйтки алатын болады.  

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті