Өткелдер техникалық талапқа сай ма?

Инфрақұрылым
13.06.2024, 15:20
Суретті түсірген автор
Қуаныш Қожаев

Абай облысы бойынша меншікті тілші

Байырғы Түрксіб магистралі бүгінгі Семей шаһарын көктей өтеді. Қосымша кірме жолдар да көп. Соңғы кезде теміржол өткелдеріне байланысты мәселе жиі көтерілуде. Осы аптада облыс әкімі Нұрлан Ұранхаев пен Семей магистральдық желі бөлімшесінің басшысы Айдын Шәукежанов тиісті орган өкілдерімен бірге бірнеше теміржол өткелдерінде болып, арнайы кеңес өткізді.  

Қазіргі күндері облыс орталығында 26 теміржол өткелі бар. Тексеруші топ негізінен жол өткелдеріндегі асфальт жабынына назар аударды. Алдымен сол жағалаудың  Рысқұлов көшесіндегі теміржол өткеліне аялдаған басшылар мәселенің мән-жайымен танысып, оңтайлы шешу жолдарын қарастырды. Өткелден пойыз өтер алдында ұзақ уақытқа жабылып, тұрғындардың шыдамын тауысатындығы тағы бар. «ҚТЖ» ҰҚ» АҚ магистральдық желісі Семей бөлімшесінің басшысы Айдын Шаукежанов алдағы апталарда өткелде жол төсемін жөндеу және ескерту сигналын жаңғырту жұмыстарының аяқталатынын айтты. Облыс әкімі аталған учаскеде көліктер мен жаяу жүргіншілер кедергісіз өтуі үшін қолайлы жағдай жасауды ойластыруды тапсырды.

  

– Жалпы, өткел үстімен көпір салу оңай шаруа емес. Оның құқықтық-экономикалық мәселесін айтпағанда, жобалық-сметалық құжаттамасын әзірлеудің өзіне біраз уақыт кетеді. Одан кейін құрылыс жұмыстары бар. Осыған байланысты қала әкіміне теміржол өтпесінің жобасын әзірлеу, жоба құнын алдын ала есептеу жұмыстарымен айналысуды тапсырамын, – деді облыс басшысы.

Айта кетер жайт, қаланың бірнеше тұсынан жаяу жүргіншілер үшін теміржол үстімен өтетін көпір салу қарастырылып, соңы аяқсыз қалған болатын. Осыған дейін теміржол өтпелерінде, яғни рельстер аралықтары мен түйіспелері маңында теміржолшылардың өз күшімен ғана ағымдық жөндеу жұмыстары жүргізіліп келген. Алайда, кейбір аумақтардағы жол төсемі бүгінгі күндері әбден тозғандықтан шұқырларды жамап-жасқаудың өзі мүмкін болмай барады. Ой-шұқыры көріне бастаған мұндай орындарға қалалық әкімдік тарапынан ешқандай күрделі жөндеу жүргізілмейді. Сондықтан әсіресе көліктер мен жаяу жүргіншілер нөпірі көп «Жансая» базары маңы мен халықаралық автожол бойындағы кейбір жол өткелдері теміржолшылардың алаңдаушылығын тудыра бастаған. Себебі бүгінде автокөлік ағыны артып, жолға түсетін салмақ көбейген.  

Тексеру жұмыстарының қорытындысы бойынша бірқатар шешім қабылданды. Атап айтсақ, сол жағалаудағы айналма жолдағы кептелісті ретке келтіру, қауіпті жол қиылыстарында бағдаршамдар орнату мәселелері бойынша қала басшылығы мен әкімшілік полиция бөліміне нақты міндеттер жүктелді. Ал Семей магистральдық желі бөлімшесі басшылығы қаладағы барлық теміржол өткелдерінің техникалық ахуалын ұдайы назарда ұстайды. Қажет болған жағдайда облыстық әкімдік өкілдерінің қатысуымен арнайы кеңес өткізіп, теміржол өткелдерін талапқа сай ету жайын кең көлемде талқылауға салуы тиіс. Бұл бағытта  жүргізілетін жұмыстардың барлығы Семей ЖТ бөлімшесі басшылығының назарында болады.

 

Жаңалықтар
23.05.2025
Қазақстанда алғаш рет жартылай вагондарда контейнерлерді тасымалдау технологиясы енгізілді
Жолаушылар тасымалы
23.05.2025
ҚТЖ балаларды пойызда тасымалдау ережелерін еске салды
Жаңалықтар
23.05.2025
Заманауи CRRC тепловоздары елдің солтүстік аймақтарында пайдаланылатын болады
Әлеумет
23.05.2025
Еңбеккер мүддесі – бірінші орында
Спорт
23.05.2025
Көкшетаудағы чемпионаттан жамбылдықтар жүлдемен оралды
ҚТЖ келбеті
23.05.2025
Еңбекпен есімі танылған байланыс шебері
Аймақтар
23.05.2025
Абай мұрасы – теміржолшылар назарында
Жаңалықтар
23.05.2025
Заманауи маневрлік тепловоздар жеткізілді
Жаңалықтар / Мұрағат
23.05.2025
Қазақстан теміржолшысы газеті, №39 23 мамыр 2025 жыл
Жолаушылар тасымалы
22.05.2025
Балқаш курорттық аймағына жазда қосымша пойыздар қатынайды
ҚТЖ келбеті
22.05.2025
Шымкенттік инженер ойлап тапқан қорғаныс құрылғы 18 депода қолданылуда
Спорт
22.05.2025
Кәсіподақтың 120 жылдығына орай шағын футболдан турнир өтті
Инфрақұрылым
22.05.2025
Көлік-логистика саласында бірқатар жоба іске асады
Жаңалықтар
22.05.2025
«Алматы-Ақтөбе» пойызының жолаушысынан марихуана табылды
Әлемде
21.05.2025
Қытай Моңғолиямен шекарада жаңа теміржол желісінің құрылысын бастады
Жаңалықтар
21.05.2025
«Самұрық-Қазына» мен Alstom серіктестік мәселесін талқылады
Жаңалықтар
21.05.2025
Қазақстан мен Грекия логистика саласындағы әріптестікті нығайтуда
Жаңалықтар
21.05.2025
Қостанай станциясында эпилепсиямен ауыратын әйелге шұғыл көмек көрсетілді
Жаңалықтар
20.05.2025
ҚТЖ 36 өндірістік нысанды жөндеуден өткізеді
Жолаушылар тасымалы
20.05.2025
Жазғы маусымда Алакөлге қосымша вагондар іске қосылады