Шымкенттің вокзалы жаңа келбетке ие болды

Инфрақұрылым
18.06.2024, 11:30
Суретті түсірген автор
Нұрлыбек Досыбай

Түркістан облысы бойынша меншікті тілші

Еліміздің үшінші мегаполисі Шымкент қаласындағы темір жол вокзалы күрделі жөндеуден өтіп, заманауи үлгіде қайта жаңғыртылып, пайдалануға берілді. Тәулігіне 27-28 пойыз қабылдап-жөнелтілуге қауқарлы вокзалдың түрлі қызметін бүгінгі таңда орта есеппен 6 мың жолаушы пайдаланады.

1968 жылы салынған ғимараттың жалпы алаңы әу баста 1 770 шаршы метрді құраған. Қайта жаңғырту жұмыстарынан кейін теміржол вокзалының аумағы 2 249 шаршы метрге ұлғайып, өткізу қабілеті тәулігіне 2 мыңнан 6 мың адамға дейін артты. Сондай-ақ жолаушыларды күту залының аумағы да 898 шаршы метрден 1 982 шаршы метрге дейін кеңейтілді.  

Жолаушыларға сапалы қызмет көрсету көзделген бұл нысан «Қазақстан темір жолы» АҚ тарапынан сенімгерлік басқаруға берілгені белгілі. Десек те, Шымкент магистральдық желі бөлімшесі филиалының вокзал шаруашылығы бөліміне қарайтын 21 маман аталған нысанда еңбек етіп, көпшілікке қызмет көрсетуде.  

Бүгінде Ерғали Мырзахмет жетекшілік ететін ұжым қызметкерлері қауіпсіздікті қамтамасыз ету мақсатында жолаушылардың пойызға мініп-түсу кезіндегі тәртіп пен талаптың сақталуын қадағалайды.  

– Біздің қызметкерлеріміз мұнда мүмкіндігі шектеулі азаматтардың арнайы арбамен пойызға мініп-түсуіне көмектеседі. Оған қоса пойыздардың келіп-кету уақытын хабарлап, анықтама қызметін, билеттің бар-жоғын айтып отырады. Қажет болған жағдайда мұндай ақпараттар жазбаша түрде де ұсынылады, – дейді вокзал бастығы Ерғали Меңлібекұлы.  

Айта кетейік, вокзал ғимаратында бірнеше билет кассасы мен 2 жүк сақтау қоймасы, асхана мен анықтама бөлімі, желілік ішкі істер бөлімінің кеңсесі, медициналық пункт пен ана мен бала және мүмкіндігі шектеулі жандарға арналған арнайы бөлме бар. Оған қоса, жолаушыларға жайлы қызмет көрсететін заманауи талапқа сай 2 күту залы мен екінші қабатта фудкорт орналасқан. Ал вокзал ғимараты мегаполистің сәулеттік келбетіне сай жабдықталып, шыны витражды жүйелерден жасалған және металл кассеталармен қапталған. Ең бастысы, вокзал – қаланың кіреберіс қақпасы болғандықтан, әсем безендірілген ғимарат қасбетінің қақ ортасына Шымкент шаһарының логотипі саналатын қызыл қызғалдақ бейнеленген.  

 

Жаңалықтар
23.05.2025
Қазақстанда алғаш рет жартылай вагондарда контейнерлерді тасымалдау технологиясы енгізілді
Жолаушылар тасымалы
23.05.2025
ҚТЖ балаларды пойызда тасымалдау ережелерін еске салды
Жаңалықтар
23.05.2025
Заманауи CRRC тепловоздары елдің солтүстік аймақтарында пайдаланылатын болады
Әлеумет
23.05.2025
Еңбеккер мүддесі – бірінші орында
Спорт
23.05.2025
Көкшетаудағы чемпионаттан жамбылдықтар жүлдемен оралды
ҚТЖ келбеті
23.05.2025
Еңбекпен есімі танылған байланыс шебері
Аймақтар
23.05.2025
Абай мұрасы – теміржолшылар назарында
Жаңалықтар
23.05.2025
Заманауи маневрлік тепловоздар жеткізілді
Жаңалықтар / Мұрағат
23.05.2025
Қазақстан теміржолшысы газеті, №39 23 мамыр 2025 жыл
Жолаушылар тасымалы
22.05.2025
Балқаш курорттық аймағына жазда қосымша пойыздар қатынайды
ҚТЖ келбеті
22.05.2025
Шымкенттік инженер ойлап тапқан қорғаныс құрылғы 18 депода қолданылуда
Спорт
22.05.2025
Кәсіподақтың 120 жылдығына орай шағын футболдан турнир өтті
Инфрақұрылым
22.05.2025
Көлік-логистика саласында бірқатар жоба іске асады
Жаңалықтар
22.05.2025
«Алматы-Ақтөбе» пойызының жолаушысынан марихуана табылды
Әлемде
21.05.2025
Қытай Моңғолиямен шекарада жаңа теміржол желісінің құрылысын бастады
Жаңалықтар
21.05.2025
«Самұрық-Қазына» мен Alstom серіктестік мәселесін талқылады
Жаңалықтар
21.05.2025
Қазақстан мен Грекия логистика саласындағы әріптестікті нығайтуда
Жаңалықтар
21.05.2025
Қостанай станциясында эпилепсиямен ауыратын әйелге шұғыл көмек көрсетілді
Жаңалықтар
20.05.2025
ҚТЖ 36 өндірістік нысанды жөндеуден өткізеді
Жолаушылар тасымалы
20.05.2025
Жазғы маусымда Алакөлге қосымша вагондар іске қосылады