«Кедентранссервис» АҚ ұжымы қыс маусымына тас-түйін дайын
«Қазақстан теміржолшысы» газетінің тілшісі
«Кедентранссервис» АҚ ұжымы шаруашылықтарды қыс маусымында жұмыс істеуге дайындау жоспары аясында барлық 28 іс-шараны толық орындап шықты. Қатал маусымда кедендіктерге ешқандай кедергі жоқ, передает Rail-news.kz. Қысқа қамданыс барысында газбен жанатын қазандықтардың, түтіндіктердің, газ есептеуіштер мен түзеткіштердің техникалық жағдайы ревизиядан өтіп, ғимараттардың жылыту жүйелерін жуып тазалау және тексеру жұмыстары жүргізілді. Сонымен қатар жұмысшылар қыстық киіммен толық қамтамасыз етілді, яғни, 800 жуық жаңа арнайы киім жиын- тықтары сатып алынды. Әдеттегідей, автокрандар мен айырашалы крандардың қатал маусымда қалтқысыз жұмыс істеу дайындығына, жүк тиегіштер мен өзге де арнайы техникалардың техникалық қызмет көрсетуіне айрықша назар аударылды. Жанар-жағар май материалдары мен көмірдің жеткілікті қоры жасақталып, барлық филиалдарға қатты отын кестеге сай жеткізілген. Тәжірибелі мамандар жұмысқа жаңа тұрған 63 жас маманға қыс мезігілінде жұмыс істеудің қыр-сырын үйретіп, қауіпсіздік ережелерін сақтау бойынша сабақтар және техникалық нұсқаулықтар өткізді. Кедендіктер қоғамның инфрақұрылымы кез келген ауа-райы, температура жағдайында үздіксіз жұмысты қамтамасыз етіп, клиенттер мен серіктестерге сапалы сервис ұсынуға дайын екендерін жеткізді.