Отандық кәсіпорын инновациялық вагондарға жөндеу жүргізу үшін арнайы аттестациядан өтті

«Қамқор Вагон» ЖШС филиалдарында Тихвинск вагон жасау зауыты мен Wabtek Corporation бірлескен өндірісіндегі 19-9810 және 19-9855 Barber (АҚШ) типті инновациялық вагондардың арбашаларына жөндеудің жоспарлы түрлерін жүргізуді игеру бойынша жұмыстар атқарылды. Тихвинск вагон жасау зауытынан арнайы келген мамандар Қарағанды және Павлодар вагон жөндеу деполарының өндірісті жүргізуге техникалық даярлығын зерттеді. Яғни, өндірістің даярлығын анықтау комиссиясы Бүкілодақтық көлік технологиясы орталығының ғылыми-зерттеу институтының белгіленген техникалық құжаттарының көшірмелерін, «ҚТЖ» ҰК» АҚ Әкімшілігімен бекітілген және келісілген инновациялық вагондарды жөндеудің технологиялық процестерін тексерді. Сонымен қатар комиссия назарына әрбір жұмыс позициясына арналған Технологиялық карталар көрсетілген көрнекті құралдар, инновациялық вагондарға жоспарлы жөндеу түрлерін жүргізуге арналған технологиялық құрылғылар, өлшеу құралдары мен құрал-жабдықтар, сондай-ақ, тақырыптық жоспарлар, басқару және өндірістік персоналмен өткізілген техникалық сабақтардың жорналдары ұсынылды. Зерттеу қорытындысы бойынша «Қамқор Вагон» ЖШС филиалдары – Қарағанды және Павлодар вагон жөндеу деполары инновациялық вагондарды және Barber (АҚШ) типтегі арбашаларды жөндеуден өткізу құқығына ие 2-дәрежелі сервистік қызмет көрсету орталықтары ретінде аттестациялады. Бұдан былай «Қамқор Вагон» ЖШС Қазақстан аумағындағы инновациялық вагондарға жоспарлы жөндеу түрлерін жүргізетін бірегей кәсіпорын болып табылады. Бұл шара Дамудың ұзақ мерзімді стратегиясын орындау аясында жүзеге асып отыр.